المشااكل العائلية هو اسوء نوع ديال المشااكل لي يقدر يكون عندك.

علااش؟

حيت فالغالب ماتتقدرش تنوض و تمشي من ديك لبيئة، ماتتقدرش تبدل واليديك، و تتحس بلي رااك ماقاادر دير والو بااش تغير الظروف لي نتاا عاايش فيها.

و كااين واحد الدراسة و تجربة مشهورة لي تتبين الخطر ديال انك تحس بلي الأمور خاارجة على السيطرة.

فهاد الدراسة واحد خونا سميتو Martin Seligman شد كلب و دخلوا لواحد لبيت صغير لي مقسم على 4 ديال المربعات. كل مربع بلون: مربع صفر، حمر، زرق، و خضر. و كانت هاد البيت مقسم بواحد شبكة بحال ديال تينيس لي ماعاليااش بزااف و ساهل ان كلب ينقز عليه.

شنو داار هاد خونا هذاا؟

فاللول شد الكلب و حطو فوق المربع الخضر، و دازت دقيقة ولا 2 و خلا الضو تيضرب من لتحت فداك المربع.

شنو داار لكلب؟

الكلب نقز على شبكة و مشاا للمربع الاحمر لي ماكاانش فيه الضو داايز، و لكلب رتااح واحد جوج دقاايق قبل ما يعااودو يدوزو الضوء فالمربع الأحمر.

و فااش دوزو الضو فيه، لكلب حس بالألم و بغا ينقز، داار و لقا موراه المربع الأخضر، و تفكر بلي حتى تما كاين الضو و عاود داار و شااف مربع صفر و هو نقز لييه.

عوتااني خلااو لكلب حتى رتااح شوييا، و موراهاا ضربو الضو فالمربع الأصفر. لكلب نقز عاود لٱخر مربع، المربع زرق. رتااح وااحد الشوييا و عوتااني ضربو الضو فداك المربع الأزرق.

و ديك السااعة لكلب صعر و قال مع رااسو اش هااد *******. فين مامشييت غاادي نلقى الألم، فين مامشيت غادي نلقى الصدااع، فين مامشييت غاادي نتعدب.

و شنو داار لكلب؟

فشي تجاارب تيبقى جاالس فبلااصتو و ماتيعاودش يفكر ينقز، و فشي تجارب مشابهة تيعض رجليه بااش ينتااحر.

🤔علااش تنعاود ليكوم هاد التجربة؟

حيت هاادي تتوصف بااش حناا تنحسوا شي مراات. فااش تتلقى مشاكل يمكن فلقرااية و مشااكل عائلية بالخصوص تتحس بلي ماتقدر تدير واالو بااش تحبس العدااب لي تتحس بيه.

تتعقد أنه غاادي يبقى ديما و تتستسلم ولاا تتحاول تنتااحر. و حتى يلا مانتااحرتيش، تتبقى عاايش معدب و الاياام ديالك ماتتبقا عندها تا شي فائدة. تتعيش و نتاا طاافي.

و لكن حناا مااشي حيوانات لي شي وااحد گااعد تيتحكم فييها. حناا بشر و عدنا الإختيار و عدنا القدرة أن حناا نغيروا الظروف ديال حيااتنا واخاا تباان ليينا مايمكنش تبدل.

و حيت ديجاا طولت عليكوم، غاادي نخلييو حتى للمرة الجااية و نشرحوا كيفااش تعاملوا مع المشاكل العائلية و أي موقف لي تحس برااسك وااحل فيه.

بييييس ✌️🐸