عمرك حسيتي بلي المشااعر ديالك غاادي ينفجروا؟ عمرك دوزتي شي ليلة لي ماقديتيش تنعس فييها وعقلك مابغااش يحبس من التفكير!؟

السبب الرئيسي لهاد للقضية هو أن حناا تنخبييو بااش تنحسوا وفااش تنفكروا. فااش تيوقع ليك شي مشكل ولا تحط فشي موقف، يلا هضرتي و قلتي لي فباالك ( واخاا تكون هضرة لي قااصحة ) غاادي ترتااح.

ولكن يلا كنتي تتكبت وتتخبي المشاعر ديالك، هاادشي غاادي يأثر علييك بزااف.

مثلا، نقولو وقع شي حد داار ليك شي حااجة خاايبة ولكن نتاا إنساان لي مربي وولد النااس ولا بنت النااس، ماغااديش تقدر ترد الإساءة ولا تهضر على رااسك.

غاادي تبداا ترد داك الغضب ليك وتحاول تدفنوا. أتحاول تحكم فيه وتسيطر عليه.

🤔علااش هاادي خايبة!؟

أولا، رااك تااضر رااسك بزااف، نفسياا و جسديا.

ثانياا، ماغاديش تقدر أنك تكبت دوك المشاعر لمدة طويلة، غاادي فاللخر تفقد السيطرة و تقدر تفرگع و تخرج الغضب دياالك على شي حد اخوور لي ماداار ليك واالو.

ثالتاا، غاادي تبقى ديماا تحس بالضعف و بلي رااك ضحية، حيت واخاا النااس تتأدييك، تتبقى نتاا ديماا سااكت ليهوم. و گااع هادشي أيأثر على صحتك النفسية و يسبب ليك الأرق، الستريس، و حتى الإكتئاب. و ايمرضك حتى فصحتك الجسدية.

😁شنو الحل؟

🔴كيما العادة، الحل هو أنك تعترف بالمشاعر ديالك و ماتخافش ولا تخبى منهوم.

🔴خااصك تعرف شنو هوما المشاعر لي نتا تتحاول تكبت و تخبع عادة. واش الغضب ولا الخوف ولا غيرها و سول رااسك علااش.

🔴فااش تعرف الشعور لي تتخبي بزااف، بداا بيه غي هو. بداا تهضر عليه و تقول للناس كيفااش تتحس. و لا شد ورقة و ستيلو و كتب گااع الامور لي تتحس بيها و مقنطاك.

🔴و عرف بلي رااه من حقك تحس بأي شعور بغيتي و تاحد مااغادي يااخد ليك هاد الحق.

⚪داباا نوبتك: فكر فشنو هو الشعور لي نتاا تتخبي و فكر فعلااش؟ و عطي لرااسك لكلمة انك غاادي تحبس و تبداا تعبر على أي شعور حسيتي بيه بلا ماتخااف من ردة فعل الٱخر.

تقبل المشااعر ديالك كجزء منك و ماتحاولش تخبيها. و اندوزوا لطريقة سلبية أخرى فالتعامل مع المشاعر.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸