أول شعور لي الإنساان خاص يبني فحيااتو هو الحب و التعاطف للناس لوخرين و حتى مع رااسو. حيت هذاا هو الأساس: يلا كنتي تتبغي و متعاطف مع نفسك، ماغاديش تلوم رااسك يلا درتي شي حااجة غالطة، ماغااديش تعاني من الغضب، الندم، ولا حتى الخوف.

أتقبل رااسك كإنساان و غاادي تحسن علاقتك حتى مع النااس لوخرين فااش اتعاملهوم بالحب و العطف لي تتعطي لرااسك.

🔴و يمكن ليناا نبنييو هاد الشعور بعدة طرق:

1️⃣نقدموا مساعدات للناس فحياتنا بدون مانتسناو مقابل. و هاد المساعدات تقدر تكون كبيرة ولا صغيرة على قدر الإستطاعة و الوضعية.

2️⃣تبني "التقمص العاطفي" ولا "التعاطف" باختصار. المقصود بهذا هو فااش شي حد يعاود ليك مشكل ديالو، ماتسرعش و تبدا تعطيه فالحلول. حيت غالبا الإنساان باغي لي يسمع ليه ديك الساعة.

زائد خااصك تحط رااسك بلاصة داك الشخص و تحااول تشوف باش اتحس نتاا يلا كنتي بلااصتو، و مااشي تنقص من قيمة داك الشي لي تيعااود ليك. و حتى دير هاد الخطوة عاد عطيه النصائح يلا كان طلبهوم منك.

3️⃣تسول أسئلة كثر و تهتم بمعرفة داك الناس. يلا الهدف ديالك هو أنك تبني التعاطف مع داك الشخص و تفهموا، خااصك تعرفوا بعداا.

بمعنى، ماغاديش تحس بداك الشخص حتى تكون سولتيه بزااف ديال الأسئلة على كيفاش تيحس، شنو تيعني المشكل لي تيواجه، و تدير لي فجهدك باش تواصل مع داك الشخص و تعرفوا.

4️⃣كن صديق ديال رااسك: تقدر تكون نتا ديجا تتعامل النااس مزياان. و لكن فاش نتا تاطيح فشي مشكل، تتبقا تعااير و تلوم رااسك.

🔴لمرة الجااية فااش تطيح فشي مشكل، فكر فكيفااش غاادي تهضر مع شي إنساان لي عزيز عليك و هضر مع رااسك بديك الطريقة.

5️⃣دير شي حااجة لرااسك زويينة لراسك كل سيمانة: كل سيمانة دير شي حاجة لي نتا تتبغي لرااسك: بسيطة ولا كبيرة.

يمكن نعس و فيق معطل على خااطرك، شري لرااسك شي حااجة زويينة ديال لماكلة ولا حواايج، خرج تساراا، تفرج فشي فيلم لي كنتي مأجلو، وقف قداام لمرااية و قول گااع لحواايج لي تتبغي فيك لرااسك. مهم هو فكر فشي حااجة زويينة لي تقدر تدير لشي حد نتا تتبغيه، و دير دااكشي لرااسك.

⚪ماتنسااش: ماتقدرش تبغي الناس و تعاونهوم مزياان يلا ماكنتيش تتبغي رااسك بعداا.

🔴نوبتك داباا: ختار وحدة من هاد ل5 ديال الأفكار و طبق وحدة فيهوم ليوم.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸