گااع الناس معرضة للفشل و هضرنا لمرة لفايتة على كيفاش تعامل مع الإحباط لي ايجيك يلا فشلتي، و قلنا بأن الإحباط غي وااحد لميسااج من لعقل لي تيقوليك بلي خااصك تبدل الطريقة بااش خدام يلا بغيتي تحقق النتيجة ديالك.

و لكن شي مراات تقدر تبدل ديك الطريقة و تجرب حااجات خرين، و لكن واخاا هكااك ماتوصلش لداكشي لي بااغي.

🤔شنو تيعني هاادشي؟

اولا، هاد الشعور هذاا تيتسمى ب "خيبة الأمل" و عندو ميسااج بسيط.

الميسااج هو أنك داك الهدف لي عدنا ماغاديش يتحقق فالوقت لي حنا متوقعين.

هو فالغالب اي حااجة باغي تدير فحياتك، راه ممكن تحققها. و لكن المشكل لي عند بزااف ديال الناس منهوم انا، هو أنه تتبغي تدير كولشي فدقة وحدة و ماتتصبرش.

فااش تنبغي ندير شي حااجة، تنبقى نفكر فيها ليل و نهاار و تنتقاتل باش نديرها. و لكن فالغالب تتاخد مني وقت كتر من لي بااغي.

و هادشي تيمرضني و تنحس كيماا قلناا ب "خيبة أمل".

😁شنو الحل؟

🔵الحل هو ان الإنساان خااصو إماا يدير أهداف لي باغي يحقق و لكن يعطي لراسو وقت كاافي باش يحققها و مايتوقعش النتائج بالزربة.

مثلا: يلا بديتي تطريني حتى درتي 50 عام، ماتوقعش أنك تطلع لفصالة لي بااغي فشهر ولا شهرااين ولا حتى كتر. توقع بانه راه ايااخد منك هاد الهدف وقت.

🔵و فوق مايقولك عقلك بلي خاصك تحبس، تفكر بأنه نتا فواحد لحاجة لي تتسمى "Lag time" يعني فوقت لي تيخصك تركز على لخدمة كتر، و تنسى النتائج وااحد الشوييا.

🔵و عرف ان الحلم لي عندك يلا تأخر، ماتيعنيش انه ماغاديش يتحقق. فقط خااصك تخدم و تعطي الجهد بااش تستحق النتيجة لي غاادي توصل ليهاا.

التأخير ماتيعنيش الحرمان. 💓

⚪نوبتك دابا: شنو هو شي هدف لي عندك و مزاال ما بغا يتحقق!؟ فكر فوااش خااصك تبدل داكشي لي تادير باش تحقق الهدف ولا خااصك تعطي رااسك وقت كتر؟ ولا خااصك بجوج؟؟

و اندوزوا داباا لأكثر شعور تيعاانيو منو النااس.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸