سااهل بزااف أنك تحس بالغضب، ولكن باش تكون غاضب من الشخص المناسب، للدرجة المناسبة، فالوقت المناسب، و للسبب المناسب، و بالطريقة المناسبة، هاادي ماساهلااش.

- أريسطو.

تخاايل واحد الحياة لي نتاا فيها ماشي سجين ديال المشاعر ديالك، حياة لي الغضب، الخوف، الإكتئاب، والشعور بالوحدة ماتيتحكمش فيك. حيااة لي نتاا مسيطر فيها على المشاعر ديالك وتتحس بالسعادة والطمأنينة بإستمرار.

هذاا مااشي شي حلم ولا مهمة مستحيلة؛ هذا واقع لي يمكن ليك تصنعوا لرااسك يلا عرفتي كيفااش.

كلنا عارفين شكون هي Oprah Winfrey، مقدمة برامج و وحدة من أغنى سيدات الأعمال فميريكان، و لكن كااين واحد المعاناة كبيرة وراء النجاح ديالها.

تزاادت Oprah فواحد الأسرة فقيرة و تعرضات للعنف، للإغتصاب كثر من مرة، و حملاات بطفل فالمراهقة ديالها، تعرضات للعنصرية، و فشلاات فمسيرتها المهنية كتر من مرة.

و لكن واخا هكااك هي ماستسلمااتش و حققات نجاح كبير و الثروة ديالها الٱن تتقدر بملايير الدولارات. و هاد الصبر و النجاح ديالها ماجااش غي هكااك. و لكن كان نتيجة ديال القدرة ديالها أنها تحول الغضب لواحد القوة، و حولات الخوف ديالها لشجاعة، و الشك ديالها فراسها لموتيڤاسيون.

هي قدرات تحقق هادشي حيت ماخلااتش المشاعر ديالها يوقفوها فالطريق. ومثال ٱخر هو Thomas Edison مخترع المصباح. وقبل مايقدر أنه يخترع المصباح فشل 10،000 مرة. ولكن ماأثرش هادشي فالعزيمة ديالو.

علاااش؟

حيت Edison إلى جانب Oprah وأي إنساان نااجح فهاد الحياة عندو واحد المهارة أساسية: الذكاء العاطفي والقدرة على أنك تحكم فالمشاعر ديالك، و ماتخليهومش يتحكموا فيك.

و عاارف بلي هاد المسألة مااشي سااهلة. شخصياا، عانيت معظم حياتي من الغضب و الخوف و كنت ديماا تنلقى رااسي تنتسرع و ماتنعرفش كيفااش نتعامل معاهوم.

شي مراات كان هاد المشاعر السلبية تتكون أسبابها واضحة، بحال مشاكل فلقراية ولا لخدمة، داابزت مع شي حد عزيز، ستريس ديال شي إمتحان، ولا شي حااجة لي كنت متوقعها و لكن ماصدقاتش.

و شي مراات كان السبب ماوااضحش. كنت تنحس بالإكتئاب غي هكااك و كنت تنبقى اياام و أسابيع و أنا تالف و ماعارفش شنو المشكل ولا كيفااش نحلوا.

حمد لله، هادشي كولو تغيير وكيما قديت أني نعرف كيفاش نتحكم فالمشاعر ديالي، نبغي نساعدكوم فهاد لكتااب أنكم تقوموا بنفس الشيء. لهذا، هاد لكتااب غاادي:

🔵 يشرح ليكوم شنو هوما المشاعر و منين تيجيو

🔵 يعطيك أبسط طريقة بااش تخلص من المشاعر السلبية وتحس بالسعادة فقل من 5 دقايق

🔵 يحسن علاقتك مع النااس ويخليك ديما مبتسم

🔵 و يسااعدك تحقق أي حااجة بغيتي فحيااتك

🔴 أنا عاارف بلي هاد التغيير لي تنقول تيباان مبالغ فيه، و تيبان بلي ايستغرق وقت كبير. و لكن فاش تتعلم كيفااش العقل ديالنا تيخدم، تيولي بإمكانك أنك تحقق تغييرات كبيرة فسرعة قياسية. و هادشي لي غاادي تعلموا فهاد لكتاب.

استعدوا بااش تغيروا علاقتكم مع المشاعر وتعيشوا حياة جديدة إبتداء من اليوم.

دخلوا لهاد الليان باش طيليشارجيو لكتااب بالمجان و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸