هضرناا لحد الٱن على بزااف ديال الأمور لي متعلقة بالمشاعر، و غاادي نختموا داباا بالتذكير بأهمية المشااعر و علااش خااصنا نتعلموا كيفااش نتحكموا فيهوم.

1️⃣أولا، تنقدروا ان حناا نتاخدوا قرارات حسن فالحياة. يلا طورتي هاد القدرة أنك تفهم المشاعر ديالك و تحكم فيهوم، و كنتي غضباان اتقدر تفادى انك تتاخد شي قرار لي غاادي تندم عليه من بعد.

2️⃣ثانيا، غادي تحسن علاقتك مع النااس لوخرين. يلا فوق ماكنتي مقلق ولا غضباان، تتجي تخوي قلبك على النااس، فاللخر غاادي يعيااو و يسااليو علاقتهوم معاك. و لكن يلا كنتي قادر على انك تعرف كيفااش تسيطر على المشاعر ديالك و تسيرهوم مزياان، العلاقات ديالك ايبقااو مزياانين.

3️⃣ثالتاا، غاادي تنقص من الستريس فحيااتك، اتكون سعيد كتر، و اتزيد ثقتك بنفسك. و كيف قلناا قبل، بلي حتى صحتك الجسدية اتحسن.

تخاايل واحد الحياة لي نتاا فيهاا قاادر أنك تحكم فالمشاعر ديالك. قادر انك تبقى كاالم فأي وضعية. ماتتخليش الغضب و القلق يأثر عليك. و قاادر أنك تخدم المشاعر ديالك لصاالحك بااش تحقق اهداافك و ماتخليهومش يتحكموا فيك.

قاادر انك تعرف شنو هي الأمور لي تتخليك حزين، غضباان، خاايف، و قاادر انك تعاامل معاهاا بسهولة و ببسااطة.

هاادشي لي تيسااينك فااش اتساالي هاد لكتااب ان شاء الله.

دخلوا لهاد الليان باش طيليشارجيو لكتااب بالمجان و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️