علااش شي ناس تيتعاملوا مع الحياة و التحديات ديالها بسهولة، و نااس خرين تيعانييو مدة طويلة باش يتجاوزوا نفس التحديات؟

و لاا علااش شي مراات نتاا تاطيح فنفس الموقف فجوج مراات مختلفة و مرة تكون كاالم و تعاامل مع الموقف عاادي، و شي مراات غاادي تنفعل و تفقد السيطرة.

فالجزء لي سبق شرحنا أن المسألة متعلقة بعلايااش تنركزوا و كيفااش تنفسروا ديك لحااجة لي مركزين عليهاا.

و داباا غاادي نتعمقوا كتر فقضية التركيز و نشوفوا الانوااع ديالها.

شنو تنقصدوا بالأنوااع ديالها.

دابا لحااجة لي تنركزوا عليها هي بااش تنحسوا. تتركز على أنك فشلتي فشي اختباار تتحس بلي راك فااشل. ركزتي على أنك واخاا فشلتي و لكن جبتي نقطة حسن من صااحبك، تتحس بلي راك وااعر.

و تاضحك علييه واخا تكون جاايب نتاا 3 يلا كاان هو جاايب غي 2.

و هذاا هو النوع الاول ديال التركيز.

1️⃣نقدروا نركزوا على بناادم لي قل مناا بااش نحسوا براسنا حسن.

2️⃣ولا نقدروا نركزوا على بنادم لي حسن مناا و نحسوا براسنا ضعااف و ناقصين.

3️⃣نقدروا نركزوا على المااضي ديالنا و نحسوا بالإكتئااب يلا كاان حسن من الحاضر ديالنا، ولا نحسوا بالفرح يلا كان المااضي مكفس و الحاضر حسن.

4️⃣نقدروا نركزوا على المستقبل ديالنا و نحسوا بالخوف و الستريس يلا ماكنااش عارفيين شنو غادي يوقع.

5️⃣و نقدروا نركزوا على المستقبل ديالنا و نحسوا بالحماس يلاا كانوا عدناا أهدااف و طموحات لي باغيين نخدموا عليها.

6️⃣نقدروا نركزوا على الحاضر ديالنا و نحسوا بلي راه حناا فاشليين يلا ماوصلنااش لداكشي لي كنا عواليين عليه بغضون واحد السن، و نقدروا نحسوا بالفخر يلا حققنا داكشي لي بغينا.

7️⃣نقدروا نركزوا على الأمور لي عدناا و نحسوا بالإمتنان و نحمدوا الله، و نقدروا نركزوا على دااكشي لي عدناا و نحسوا بالحگرة وبلي الله حرمناا من الأهدااف ديالنا.

8️⃣نقدروا نركزوا على شي حااجة لي نقدروا نتحكموا فيها بحاال الجهد ديالنا و نحسوا بالثقة فالنفس.

9️⃣ و لا نقدروا نركزوا على شي حااجة لي مانقدروش نتحكموا فيها و نحسوا بالإحبااط و الخوف. مثلاا، وااش دااكشي لي باغيين ايصدق، واش لبنت اتكون تتبغيني ولا دري ايكون تيبغيني تا هو. وااش المصحح غاادي يكون ولد الناس.

🔟نقدروا نركزوا على الأمور لي تقدر تعكس ولا الامور لي تقدر تصدق مزياان.

نقدروا نركزوا على اي حااجة بغينا، ولكن خااصنا نختاروا أن حناا نركزوا على لحااجة لي تنفعنا.

🔴تفكر اخر مرة كنتي غضباان ولا فرحاان، وسول رااسك علايااش كنتي مركز وكيفااش كنتي مركز على ديك لحااجة فعقلك.

هاد التمرين لبسيط غاادي يعاونك تفهم هاد الأنواع ديال التركيز بشكل أفضل وغاادي يعاونكم تخدمهوم فحيااتك.

دخلوا لهاد الليان باش طيليشارجيو لكتااب بالمجان و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸