علااش شي نااس تيقدروا يفشلوا المرة لولة و ثاانية و يعاودو يحااولو، يميلو و مايطيحووش! 🐸

و نااس خريين، تيفشلوا مرة وحدة فحياتهوم و تيكرهو حياتهوم فخطرا.

كااين 3 دياال لحواايج لي تتفرق بين هاد النااس و انعاود ليكوم قصتي باختصاار بااش نعرفوها كامليين.

وااحد لمرة كنت بااغي ندير وااحد المشروع لي ندخل منو لفلوس، عرفتي شنو هو المشروع لي باغي ندير، قريت علييه، و بديتي تنجرب و تنخدم و لكن فشلت من بعد المحاولة لولة ولا ثاانية.

بديت تتحس بالإحباط و كرهت رااسي صرااحة حيت أناا كنت مركز على الفشل، و تنقول مع رااسك من بعد ماعييت "أنا شي مشكل فيا، ماعمر شي حااجة ماغاادي تصدق لييا، لا فهاد المشروع ولا فأي حااجة خراا".

هناياا اناا عطيت وااحد التفسير سلبي للحاجة لي وقعاات ليا. و هاد التفكير و الشرح تيسبب للناس الإكتئاب، و هاد التفكير مكون من 3 ديال الأمور.

نشوفوهوم بعجالة:

1️⃣أولاا فااش قلت "أنا شي مشكل فييا". هاادي تتسمى 'الشخصنة' و لي فيها تترد المشكل شخصي.

يعني بلااصة ماتقول راه المشروع لي فشل، تيولي المشكل فيك نتا. و هادي تتخلينا نحسوا بمشاعر سلبية بزااف حيت راه مايمكنش ليك تبدل رااسك. نتاا اتبقى هو نتااا "ديماا".

2️⃣ثانياا، قلت "ماعمر شي حااجة ماغاادي تصدق لييا".

المشكل الثاني فهااد طريقة التفسير ديال المشكل هي أننا تنفترضوا أن المشكل دااائم، يعني عمروا غاادي يتحيد.

ويلاا كاان المشكل عمروا غاادي يتحيد، هادي تتسبب الإحباط و الفشل و تتخليك تستسلم فخطراا.

حيت علااش انجربوا و نديرو مجهود يلا  فالأصل عاارفين بلي تا حااجة ماغاادي تغير.

3️⃣ثالتاا، قلت "لا فهاد المشروع، ولا فأي حااجة خراا".

المشكل الثالت و الأخير هو انك فااش نتا تتقول مع رااسك بأن المشكل رااه قاايس حيااتك كااملة.

نتاا بين قوسين فشلتي فهاد المشروع، غاادي تفكر بأنه نتا فاشل فحياتك الإجتماعية، العاطفية، الدينية.

و فااش تنرجع اللور و تنفكر ديك المرحلة لي فشلت فيها تنعرف بلي راه هاادشي ماكاانش بصح.

ماكاانش المشكل فييا اناا، و ماكاانش ديماا عندي داك المشكل و ماكانش مأثر على حيااتي كاملة. كاان غي فجزء منها فقط.

و لكن فااش حناا تنفكروا بهاد الطريقة، تنحسوا بالفشل و بلي ماقادريين نديرو والو بااش نحسنوا من حياتنا.

شي مراات هادشي تيكون خفيف و تيدوز دغياا، و شي مراات تيخلييك تفكر تنهي حيااتك و تساالي من هااد الدنياا، هاادشي علااش خااصك تنتاابه ديماا ل 1️⃣لحااجة لي مركز علييها و 2️⃣كيفااش تتشرح ديك لحااجة و تتهضر علييها غي مع رااسك.

🔴فكر فشي مرة حسيتي فيها بالفشل و فكر فانا واحد من هاد طرق التفكير السلبية لي وقعتي فيها.

دخلوا لهاد الليان باش طيليشارجيو لكتااب بالمجان و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸