"أفضل الأشياء وأجملها فالعالم مايمكنش تشاف ولا تلمس. تيخصنا نحسوا بيها عن طريق القلب." -هيلين كيلر.

عمرك فكرتي علااش عدناا مشااعر؟

المشااعر ديالنا هوماا لي تيخليونا بشر و ناس عندها إحساس. بلا مشااعر حياتنا اتكون مملة وبلا طعم. اتكون بحال يلا تتشوف شي فيلم بلا ألوان، ولا تتاكل شي مااكلة بلا مذااق، ولا أغنية بلا ألحان.

المشااعر عندها تأثير كبير على حياتنا و تيلعبوا أدوار مهمة. مثلاا:

🔵المشااعر تيعاونوها نفهموا راسناا والحاجيات ديالنا.

🔵تيعاونونا نتااخدوا قرارات مهمة: يلاا جااتك شي خدمة و كنتي متحمس بزااف، هاد الشعور ديال الحمااس ايخلييك تمشي تااخد ديك الخدمة، اماا يلا حسيتي بالخوف ولا كنتي مامرتااحش لييها، غاادي تااخد قرار مختلف أنك ماتقبلهاش.

🔵تيعاونونا نبنييو علاقات إجتماعية مع النااس: فااش تتكون فرحاان تتمشي تتشاارك الفرح ديالك مع ناس خرين و تتعاونهوم؛ ويلا كنتي حزيين غاادي تمشي تطلب المساعدة من النااس و فااش يعاونوك اتولي تاتيق فيهوم كتر و العلاقة بيناتكوم اتحسن.

🔵تيعاونوناا نغيروا حيااتنا: يلاا شي مرة فكرتي فحيااتك و لقيتيهاا بلي ماعااجبااكش و حسيتي بالإحبااط غاادي تااخد قراار أنك تنوض تبدل حيااتك و دير شي حااجة.

مثلاا، اناا فواحد الوقت حسيت بلي رااني إنساان فااشل فجميع المقاييس: فااشل فقراايتي، فااشل حيت كنت بطالي ماخداامش، فااشل فصحتي، فااشل فعلاقتي مع النااس، و حتى فعلااقتي مع الله. ودااك الشعور ديال الإحبااط خلااني نوض نتقااتل، نقراا، و نطور رااسي. و قدييت اني نغير حيااتي بشكل كبيير و نعاون النااس انهم يديرو نفس القضية. كون ماحسييتش بدااك الإحبااط و الفشل، كون رااني بااقي بلااصتي.

🔵و المشااعر ديالنا تيأثروا حتى على الأفكار ديالنا: فااش تتكون فرحاان و تاايق فراسك، تاشي فكرة سلبية ماتتأثر عليك. و العكس صحيح: يلا كنتي حزين، مكتأب، غضباان، ديك السااعة اي فكرة سلبية ولا غي شي كلمة لي تتسمع شي مراات، تتحطمك.

هاادشي علااش خااصنا نهتموا بالمشااعر ديالنا و نتحكموا فيهوم و مانخليوهومش يتحكموا فيناا.

🔴قبل ماندوزو للبوسط الجااي، فكر فشي مرة لي المشااعر ديالك أثروا ليك على حيااتك اماا بطريقة ايجاابية و خلااوك تزيد للقداام، ولا سلبية.

دخلوا لهاد الليان باش طيليشارجيو لكتااب بالمجان و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸