عمرك فكرتي علااش تنحسوا بالسعادة فااش تنسااليو شي خدمة ولا تنديرو شي حااجة زويينة؟؟

علااش فديك اللحظة تنحسوا بالسعادة و مااشي فوقت اخر!

السبب هو أن المشااعر ديالنا عندها وااحد الوظيفة معينة لي تتلعب فحياتنا.

فااش كنت صغيير كنت ديماا منظم فحوايجي، قراايتي، الوقت ديالي و أي حااجة تقريباا.

و ديماا فااش أناا كنت تنظم البيت ديالي مثلاا، تيجي شي حد من العائلة، غالباا لواليدة تتقول لييا شي كلمة زويينة، مثلاا "الله يرضي على ولدي".

هااد العباارة كانت هي بحال مكافأة على داك العمل لي تنقوم بيه و تتخليني نعاود داك السلوك لي درت، فهاد لحاالة نقااد بيتي.

و هاادي هي من أهم الوظائف ديال المشااعر لي كااينة فالدمااغ.

الدمااغ عندو واحد لبلااصة لي مسؤولة على المكافٱت لي تيخدم فااش تنديرو شي فعل معين لي عاارفين بلي خاصناا نقومو بيه.

ديك لبلااصة تاطلق هرمون الدوبامين. و هاد الهرمون تيموتيڤيناا بااش نعاودوا داك الفعل من جديد.

و العكس صحيح: فااش تنديرو شي حااجة لي خاايبة ( تظلم شي واحد) ولا تنتحطوا فشي موقف صعيب ( تعطي خطااب قداام النااس) ، دمااغناا تيطلق هرمون كورتيزول ( ديال ستريس) و هاد الهرمون تيخليناا نبعدوا على داك التصرف لي درنا ولا الموقف لي تحطينا فيه.

🔵علاااش اصلاا تنقول ليكوم هادشي؟

مهم تعرف الطريقة بااش دمااغك تيخدم حيت يمكن ليك تخدم هادشي من بعد فااش تبغي تدير شي حااجة. مثلا:

🔴بغيتي تبداا تطريني، دير شي مكافأة بسيطة لرااسك فاش تطريني بحال انك تفرج فشي فيلم ولا تشري شي حااجة عاجبااك بااش تخلي عقلك يطلق هرمون الدوبامين و يشجعك على لونطريماا مرة خرا.

🔴بغيتي ماتبقااش تكمي، دير لرااسك شي مكافأة يلا دوزتي نهاار بلاا ماتكمي. مثلا، تقدر تشري كتااب تقرااه، تشري لراسك حواايج، تخرج تسارا مع صحاابك.

و دير شي عقااب لرااسك، مثلا يلا كميتي خااصك تصدق نفس المبلغ لي خسرتي على لگارو.

بس: من الأحسن انك فلول تركز غي على أنك تدير مكافأة لرااسك بااش تفادى انك تطيح فمشااعر سلبية.

زائد، التدخين تيطلق الدوبامين برااسو، و فااش تاتلقى طرق اخرى بااش تخلي عقلك يفرز الدوبامين ماتتبقااش محتااج لگاارو.

و تقدر تبع نفس المبدأ مع اي حااجة لي باغي تدير.

🔴فكر فشي حااجة لي باغي تدير ( تطريني، تعلم لغة ...) و فكر فكيفااش تكافئ رااسك يلا درتيهاا.

🔴 و فكر فشي حااجة لي بااغي تحبس ( التدخين، الغضب، الأفلام الإباحية ) و فكر إماا فكيفااش تعااقب راسك يلا درتيها ولا من الأحسن كيفااش تكافئ رااسك يلا بعدتي عليها. ولا ديرهوم بجوج. 🐸

و اندوزو للبوسط الجااي فين انشوفوا كيفااش المشاعر تيتخلقوا فدماغنا.

دخلوا لهاد الليان باش طيليشارجيو لكتااب بالمجان و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸