الغضب هو وااحد الشعور قوي لي شي مراات تيعمي البصيرة ديالنا و تيسطر علينا. بحاال شي بركان لي نفجر غاادي يدوز فكولشي، نفس الشيء فحالة الغضب تناخدوا قرارات و نديرو تصرفات لي تتأثر على حياتناا و على النااس كاملين لي تنعرفوا.

🤔منين تيجي الغضب؟

الغضب تيجي فااش شي حد ماتيحترمش شي قااعدة و مبدأ مهم بالنسبة ليينا.

مثلا، من ضمن الأمور لي مهمة بالنسبة ليا أنا هي الثقة. و تنكره أن شي حد يعااود شي حااجة لي انا قلتها ليه لشي حد اخوور. واخاا تكون بسيطة و تافهة.

فااش شي حد تيوصل هضرة لي انا قلتهاا، تنصعر و تنكره و تنداابز مع داك السيد.

و الغضب تيجي من حاجة ثانية: تيجي فااش الإنساان ماتيتعااملش مع داك شعور ديال الخسارة لي قلنا من قبل. فاش الإنساان تيتحس بالأذى و الخسارة و ماتيدير والو، تيبقى داك الألم غاادي و تيكبر حتى لوااحد النهاار داك الإنساان تينفجر حيت مابقااش قاادر يصبر. 

😁كيفااش نتعاملوا فهاد الحاالة؟

🔵أولا، خاصناا نبدلوا التفكير ديالنا و نعرفوا أن داك الشخص لي ماحتارمش المبدأ ديالنا ( فحالتي انا وصل هضرة لي قلتها ) ماداارهااش بالعااني ولا بااش يأديك.

🔵ثانياا، خاصنا نتواصلوا مع داك الشخص و نوضحوا ليه القاعدة لي عدنا. فحالتي أناا كان خاصني نمشي عند داك الشخص و نقوليه بلي لهضرة لي قلت ليه كان خاصها تبقى بيناتنا و ماكنتش باغييه يقولها لتا شي حد.

🔵ثالثا، نبدلوا السلوك ديالنا. فحالتي انا كان خاصني نولي تنقول للناس قبل مانقولهوم اي حااجة بلي هاادي خاصة و تبقى بيناتنا. فاللول كنت تنقول رااه بااينة و تنسااينهوم هوما يفهموها راسهوم.

و لكن من بعد، بدلت هاد القضية و ولييت تنخبر النااس فاللول.

🔵رابعاا، خااصنا نتوقعوا أن مااشي گااع المبادئ و القواعد لي عدنا عند نااس خرين. يعني رااه كااين شي حد لي ايدير شي حااجة لي اتصعرنا.

🔵خامساا، خااصنا نقصوا من القواعد بااش نرتااحوا فحياتنا. يلاا عندك فحيااتك مجموعة ديال القواعد متعلقة بشنو النااس خاصهوم يديرو، اتمرض فرااسك.

يلا تتقول النااس خاصهوم و خاصهوم و خاصهوم، غير اتحمق رااسك. النااس عمرهاا ماغاادي تعيش كيف بااغي نتاا و تكون بحالك.

صوو رخييها و خلييها عالله و لي بالييك مختلف علييك بزااف فطريقة التفكير، قلب علييه و سير مع لي تيشبه ليك.

🔴نصيحة، ماتخلييوش الغضب بلا ماتعاملوا معااه. حيت فااش ماتنعاملوش مع الغضب تيتحول لإكتئاب و هذاا مشكل أكبر لي تيصعاب التعامل معاه من بعد.

⚪ نوبتك داباا: شنو هي شي حااجة لي تتخليك تغضب؟ طبق هااد الخطوات ب 5 و تعاامل معاها داباا.

ماتخلييهاش مخبية فقلبك.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸