تتلقى رااسك شي مراات تتمشي للماكلة فااش تتكون غضباان ولا مقلق؟

اولا تفرج فشي فيلم ولا اغااني ولا تادير شي حااجة بااش تلف رااسك و تنسى داك الشعور بااش تتحس؟

بزااف ديال النااس تيخدموا الماكلة، المخدرات، النعااس، و غيرهاا بااش يهربوا من المشااعر ديالهوم، و لكن هاد الطريقة رااه تاضر كتر من لي تتنفع.

تخاايل مثلا أنه عندك وااحد لونطروتياان ولاا شي كونكور بااغي دوزو. نتااياا اتكون بااغي تقبل و اتكون مستريسي و هاادي حااجة عاادية. و بلااصة ماتمشي توجد ليه و تبريبااري مزياان، تتمشي تشعل تلفاازة و تشد شي فيلم بااش تنسى.

و بصح تتلف راسك وااحد ساعتااين، و لكن فاش تيساالي لفيلم، گااع داك ستريس تيرجع ليك.

🤔 بااش تعرف رااسك وااش تتهرب من المشااعر ديالك؟

يلا كنتي فوق ماتتحس بشي شعور سلبي، تتمشي تفرج فتلفازة، تلعب فطيلي ولا بيسي، تدخل لفاايس و انسطغرام و تبقى تساارا فيهوم.

ولا تمشي تكمي ولاا تسكر ولاا تااكل ولا تمشي حتى تخدم على شي حااجة خراا لي نتاا مولف تاديرها و تاايق بانك تاديرها مزياان.

هادوا كاملين أمثلة و طرق باش تعرف رااسك تتهرب من المشاعر ديالك.

و هادي طريقة خاايبة باش نتعاملوا مع المشاعر ديالنا لا فالمدى القصير ولا البعيد. و الأضرار ديال هاد الطريقة هوما:

🔵تتزيد ستريس ديالك و تتولي على سبة

🔵رااسك تيضرك و ماتتقدرش تركز

🔵تتولي متقلب المزااج و هادشي تيأثر على علاقاتك مع الناس

🔵و مع المدة الأضرار تقدر توصل للإكتئاب، أمراض نفسية اخرى، ولا حتى لمرض القلب و السكر. 🐸

😁شنو هو البديل؟

🔴البديل هو أنك نتا تعترف بالمشاعر ديالك و ماتهربش منهوم.

🔴و أنك تعبر على المشاعر ديالك ببساطة: حسيتي بالخوف ولا الغضب و غيرها، عتاارف بهاد القضية فقط.

و فااش أتغير هاد السلوك، اتلقى حيااتك تبدلاات بزااف.

💓اتنقص من الستريس و القلق فحيااتك

💓اتحسن التركيز ديالك

💓علاقاتك مع النااس أتحسن

💓و حتى دوك الامراض لي ذكرت من قبل، أتخلص منهوم.

⚪داباا نوبتك: فكر فوااش تتفادى المشاعر ديالك؟ إنا مشااعر لي تتفادى بالضبط؟ و علااش بالضبط؟

و اندوزوا لطريقة سلبية أخرى فالتعامل مع المشاعر.

دخلوا لهاد الليان باش طيليشارجيو لكتااب بالمجان و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸