كيفااش تتعاامل مع المشااكل فحيااتك؟ تتلقى ليهوم حل، اولا تتلوم رااسك حيت وقعوا ولا تتلوم حااجة اخرى.

من ضمن الطرق السلبية فالتعامل مع المشاعر و الحياة بصفة عاامة هي ان حناا نطيحوا فواحد الدوامة ديال اللوم.

إماا نلوموا و نتااقدوا راسناا على المشااكل ديالنا و المشااعر ديالناا، اولاا نلوموا شي شخص اخر.

و هاادي حاجة لي شوييا تتعجب النااس واخاا طريقة سلبية فالتعامل مع المشااعر حيت تتخليك تحس بالرااحة. تتحس بالرااحة فااش تنتااقد نفسك حيت تظن بلي نتاا راك إنساان مسؤول؛ ولا تتحس باالرااحة فااش تتلوم نااس خرين حيت ديك السااعة تتقول بلي نتاا مااشي سبب المشكل و ماتتحسش بالنقص.

🤔علااش هاادي خاايبة؟

🔵اولا، بغض النظر على وااش تتلوم رااسك ولا ناس خرين، ماتتغير والو فحيااتك.

🔵فااش تتلوم النااس غي تاتخسر علاقااتك معاهوم.

🔵فااش تتلوم و تتنتقد رااسك تاتنقص من ثقتك بنفسك و تتبقى غاارق فواحد الدوامة ديال الندم و النقص و مشااكل نفسية عديدة.

و هو كلشي تيلوم رااسو ولا تيلوم نااس خرين بعض لمراات. مثلاا:

⚫كلشي تيكدب و تيقولك بلي رااه ماقرينااش هادشي فالمدرسة ولا ماقراوهنااش مزياان.

⚫الأم تتقول بلي ولادهاا مزياانين و لكن صحاابهوم لي خرجوا عليهوم.

⚫الشبااب تيقولك رااه كااين المواهب، غي هو لبلااد ماعاطياانااش.

⚫درااري تيقولك لبناات ماتيتفهموش و عندهوم هرمونات مخربقة و عندهوم لحق ولايني هذاا ٱخوور.

مهم، كلشي تيلوم بعض المرات. و فشي حالاات تيكون عدناا الحق. و لكن رااه هادشي ماتيوصلناا لتا شي نتيجة.

😁 صوو شنو الحل؟

🔵يلا كنتي ديماا تتلوم نااس لخرين، تبداا تحمل المسؤولية ديال حيااتك. و ديما فكر فشنو هو الدور لي لعبتي فأي مشكل.

🔵و يلا كنتي تتنتااقد و تتلوم رااسك بزااف، كون ظريف مع رااسك. و ماتبقااش تلوم رااسك على أي مشكل ولا شعور سلبي حسيتي بيه.

🔵هضر مع رااسك كيماا اتهضر مع شي حد لي عزيز علييك يلا كان فنفس الموقف دياالك.

⚪نوبتك داباا: عندك شي مشكل ولا شي شعوور سلبي بحاال الغضب ولا غيرها لي تتعاني منو. تتلوم رااسك ولا تتلوم نااس خرين؟

⚪اعتارف بالدور ديالك فهااد الشعور السلبي و فنفس الوقت كون لطييف مع نفسك.

الحيااة قااصحة بما فيه الكفااية، ماتزييدش تصعبها على نفسك.

واخااا؟ 💓

و اندوزوا لطريقة سلبية أخرى فالتعامل مع المشاعر.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸