كيفااش خاصناا نتعاموا مع المشااعر ديالناا؟

أول حااجة خاصناا نعرفوا هي ماكااينش شي حااجة سميتها شعور سلبي ولا إيجاابي. گااع المشااعر لي تنحسوا بيها و ماتتعجبنااش بحال الخوف، الغضب، الإكتئاب، القلق، الندم، ولا غيرهاا؛ گااع هاادوا عندهوم وااحد الوظيفة محددة. جميع المشااعر لي تنحسوا بييها عندها وااحد الرسالة، وااحد لميسااج لي بااغا تقولو ليينا.

و حناا خاصناا مانخاافو ماندهشوا، خااصنا نتقبلوا الشعور و نفهموا لميسااج دياالو، و نخدموه بااش نغيروا حياتنا.

نعطيكوم واحد المثال بسيط.

نقولو عندك شي كونكور لي سهل فيه الله. و نتاا كنتي جاالس بلا خدمة هاادي عامااين. فااش ايجي هااد لكونكور رااه اتكون مخلووع وااحد الشوييا حيت مابااغيش ضيع هاد الفرصة، بااقي تقبل و تخدم و تفرح واليديك.

مهم، كيماا قلناا من قبل، كااين طرق سلبية ديال التعامل مع المشاعر، بحاال انك تمشي تفرج فشي فيلم و ضيع لوقت حتى يجي لكونكور.

و لكن هاادي ماغاادي تنفعك بواالو. حيت يقدر مايديكش النعااس بالليل، و تبقى مستريسي و تقدر مادوزش فدااك لكونكور.

الطريقة الصحيحة هي انك تشوف رااسك بااش تتحس، فهاد الحاالة تتحس بالخوف.

و تسول رااسك علااااش؟ علااش تتحس بالخوف. هااد لخوف، لااش كااين؟ لااش جاا؟ شنو بااغي؟

و الخوف تيجي بااش يعطينا واحد لميسااج بسيط: شي حااجة مهمة غاادي توقع و خااصك تنوض تجمع رااسك و توجد ليها.

فهاد لحاالة ديال لكونكور، خااصك تنوض تجمع رااسك و تبداا تحفظ و تقراا و توجد رااسك بااش دووز.

ويلا درتي هاادشي، دااك الخوف غاادي يمشي حيت نتاا درتي لي علييك.

شتي، تخاايلوا هاد المشااعر كااملة بحاال شي ضيف جاا لعندك للدار و بداا تيدق فالباب. نتاا ماحااملش دااك الضيف و تتسااينو غي يمشي فحاالو، و لكن هو لصقة.

و الله لاا مشاا.

خااصك ضروري تمشي لعندو، تشوف شكون هاد الضيف هذاا ( وااش الخوف، الغضب، الندم ولا شكون بالضبط ) و تشوف شنو بغاا يقولييك. و كل ضييف عندو وااحد لميسااج لي بغا يسيفطو ليك.

فااش تتحل لبااب و تتسمع لدااك لميسااج و تاطبقوا، داك الضيف تيمشي بحاالو و ماتتعاودش تشوفوا، حتى للنهاار لي يكون عندو ميسااج اخوور ليك.

و ديك السااعة ايرجع، و ايعااود يدق علييك. و نتاا ديماا عندك الإختياار: وااش تحل لبااب و تااخد لميسااج لي بغاا يقوليك، ولاا تخليه وااقف فالباب.

غي هو ماتنسااش بلي داك الضيف عمروا ماغاادي يمشي.

و فهاد الفصل غاادي نشوفوا 10 ديال الضيوف و شنو هوما لميسااجات ديالهوم، و كيفااش تعاامل مع كل وااحد فيهوم.

⚪داباا نوبتك: شنو هو اخر ضيف جاا زاارك؟ و فنظرك، شنو هو لميسااج لي دااك الضيف كاان بااغي يعطيك؟

بداا تفكر فهاد لقضية، و بدا تشوف لمشااعر كضيوف لي جايين بااش يعطيوك ميسااج مهم لي خااصك تقرااه و خااصك تفهموا.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييييس 🐸✌️