تخاايل أنك تعرفتي على وااحد الإنساان متميز و وااعر بزااف، فيه گااع داك الصفات لي تتبغي و  تا حااجة من الصفات لي تتكره.

فاللول كنتو تتهضروا صبااح و ليل و كنتي ديما فرحاان بهاد العلاقة عندكوم. و لكن مع المدة لهضرة بيناتكوم نقصاات بزااف. يمكن داك الشخص دخل يقرا، يخدم، ولا عندو مشااكل عائلية لي خلااتو يبعد و لهضرة بيناتكوم تنقص.

فهااد اللحظة غاادي تحس بالألم حيت نتا فدمااغك تتعتقد أنك خسرتي هاد الشخص.

🤔و علااش تتحس بهاد الخسارة؟

حيت فدمااغك كااين واحد التوقعات و شروط لأمور لي خاصها توقع بااش عاد تحس أن هاد الشخص تيهتم بيك.

مثلا، بالنسبة ليك أن هاد الشخص يلاا كان مهتم بيك رااه غاادي  يبقى يهضر معاك ديماا و يسول فيك؛ ولا غاادي يعاود ليك بالتفاصيل كيفااش كان تيدوز نهارو كيف كان فاللول ؛ ولا يبقى يسيفط ليك الأغاني، مسلسلات، ولا أفلاام لي تيتفرج فيهوم؛ ولاا غاادي يصوني ليك كل مرة ؛ ولا شي حاجة خراا.

و فااش هاد الشروط لي عندك فالدماغ، ماتتحققش، تتحس بالخسارة.

😁 فهااد الحالة يمكن ليك تدير شي أمور معينة بااش تخلص من هاد الشعور.

🔵أولا، خاصنا نتأكدوا بلي راه بصح خسرنا هاد الشخص. وااش بلوكاك من لواتسااب؟ قالييك ماتعاودش تهضر معايا؟ كنتي مزوجا بيه ولا مزوج بيها و خانتك؟ شنو لحااجة لي خسرتي بالضبط؟

و يلا باان ليك بلي ماكااين حتى شي خساارة و غي نتاا لي خفتي و صاافي، فهاد الحاالة غاادي يمشي داك الشعور و اتولي عاادي.

أما يلاا باان ليك بلي رااه بصح خسرتي داك الشخص، ديك الساعة دوز للخطوة الثانية.

🔵الخطوة الثانية هي تمشي عند داك الشخص و تقوليه مباشرة: "لااحظت بلي مابقينااش تنهضروا بحال اللول و شي امور تبدلات، وااش هادشي عاادي و عندو شي سبب ولا بصح قلبتي علييا.

ولا قول أي الحااجة، المهم هو أن حناا نهضروا مع الشخص و نسولو أسئلة باش نتأكدوا واش كاينة خسارة. و مانبقااوش غاديين و عايشين واحد القصة لي فراسنا فقط و ماكاينااش فالواقع.

فااش ادير هاد لقضية كااين 2 احتمالات: اما ان الشخص يقوليك راه غي مشغول ولا غي مع المشاكل و صاافي، ولا يقولك بصح طلعتيلي فرااسي و مابغيتش نهضر معاك.

يلا كانت هاد الحالة ثانية، خااصك ديك السااعة تشوف المشكل من جانب اخور، و تقول أن لخسارة ديال بصح هي فاش الإنساان تيخسر رااسو، اما لبشر تيمشي و يجي، و لا اي حااجة.  المهم هو الإنساان يتقبل ديك الخسارة يلا كانت بصح و يشوفها من جانب اخور.

🔴و هاادشي تينطبق حتى على خسارة أشياء ولا فرص. يلا دفعتي لشي كونكور و ماتقبلتيش، تفكر بلي راك ماخسرتي والو، حيت ديماا كااين عام جديد فين تعاود تدفع.

⚪نوبتك داباا: شنو هي شي حااجة لي تنظن راك خسرتي؟ تأكد واش خسرتيها بصح ولا غي خلقتي مشكل فراسك؟

و ماتنسااش بلي أكبر خساارة هي فااش الإنساان تيخسر رااسو و القيم ديالو.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸