كااين 2 انوااع ديال البشر: النوع لي ماعندو حتى مشكل انه يخوي قلبو على الناس و يقول لحااجة لي ضارااه، و النوع الثااني لي فااش تاضرو شي حااجة، تينعزل و ماتيبغيش يتقل على النااس.

و للأسف هاد النوع الثااني هو لي كثيير.

و واخاا من نااحية، مزياان أن الإنساان يااخد وقت لي يجلس فيه مع رااسو بااش يفهم شنو محتااج و شنو بااغي، و لكن رااه كلنا تنحتااجو أن حناا نكونو مع بشر لي يفهمونا و يسمعوا ليينا.

و كااين أسباب مختلفة لي تتخلي النااس تنعزل و تبعد على البشر فااش تدوز من فترات صعبة و تختبر مشاعر سلبية.

🔵كااين لي تيظن انه غاادي يتقل على النااس.

🔵كااين لي تيقول بأنه ماكااين حتى فائدة أنه يعاود للناس المشااكل لي عندو حيت ماغاديش يقدروا يعاونوه.

🔵و كااين لي غاادي يحشم من انه يعترف بلي رااه تيحس بالإكتئاب، الغضب ولا من الاسباب لي خلاتو يوصل لديك الحالة.

🔵و كااين لي الطريقة بااش ربااوه واليديه، خلاوه يعتقد أنه مامزياانش ولا مايستحقش يطلب المساعدة.

🤔علااش هاد العزلة و الإبتعاد على البشر خاايب؟

⚫تيخلي المشاعر أسوء. حيت نقولو نتاا كنتي تتحس بالغضب ولا الخوف ولا غيرها، اتولي تتحس بالغضب زاائد الوحدة.

⚫فااش اتبقى بوحدك اتبقى تفكر كتر فالمشاكل لي عندك، و اتزييد تكفس حالتك النفسية و اتغرااق كتر فدااك الشعور السلبي لي حااس بيه.

⚫تتنقص من ثقتنا بأنفسنا. حيت تنبقاو غي فالوحدة، و ماتيكونش عندناا شي داافع قوي لي يخليينا نتجااوزوا المشااكل. صو تنستسلموا بسرعة و تنفقدوا ثقتنا ان حناا قادرين نتجاوزوا هاد المشااكل.

😁كيفااش نتعاموا مع هاد العزلة؟

🔴تواصل مع النااس: هضر مع لعائلة، الصحااب، النااس فلفاايسبوك، و أي وااحد لي عاارفو قاادر يسااعدك.

🔴تلاقاا بالنااس، أو على الأقل سير لبلااصة لي فيها النااس واخاا ماتهضرش معاهوم. غير انك تكون تماا غاادي يخليك تحس بلي كااين نااس لي تقدر تهضر معاهوم فااش تحتااجهوم

🔴بداا تطوع و تدخل فجمعياات و اعمال إجتماعية. هناياا غاادي تلقى بشر لي بطبيعتو تيبغي يسااعد و وااعي. الجمعية لي نصح بيها يلا كنتي فمكنااس هي جمعية العمران.

🔴ماتنسااش الإهتمام بالنفس: فااش تتنعزل على البشر، تقدر تنسى أمور بسيطة بحال أنك تنعس مزياان، تغسل سناانك، تااكل مزياان، و النظاافة.

هاادوا أمور بسااط و لكن يلا هملتيهوم، حاالتك تتولي أسوء. و فالمقاابل يلا اهتمتي بيهوم، حالتك النفسية تتولي حسن بشكل كبيير.

⚪نووبتك داباا: ختاار شي وقت معين لي غاادي تخرج فيه و تلاقاا بشي صديق و تعاود ليه على المشكل لي متقل عليك. و يلا بغيتي طلب منو نصيحة.

او على الأقل، طلب منو انه يسمع ليك و ماتخلييش دوك المشااكل فنفسك.

و كانت هاادي هي ٱخر طريقة سلبية للتعامل مع المشاعر.

و اندوزو داباا للحديث على كيفااش خاصنا نتعاملوا مع المشاعر السلبية، و لكن فالبوسط  المقبل ان شاء الله.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸