أولا، شنو هي المشاعر الغير مريحة!

المشااعر الغير مريحة هي مشااعر لي مااشي قوية بزااف فالحدة ديالها بحال الغضب ولا الخوف، و لكن واخا هكااك تتقنطك.

تخايلوها بحاال يلا عندكوم شي حجر صغيير فسبرديلتك، داك الحجر رااه مقنطك و  تتمشى معدب، و لكن رااك تتمشى واخا هكااك، مااشي اتحبس فبلااصتك.

مثلا: الشعور بالملل، انعدام الصبر، الخجل، و شوييا ديال ستريس. هادو كامليين داخلين هناا!

😁شنو هو لميسااج ديال هاد المشااعر؟

🔵اولا، خاصناا نبدلوا الحالة النفسية ديالنا دغيا حيت أي حااجة تقريباا درناهاا فديك الحاالة اتكون غالطة.

مثلا، يلا كنتي تتحس بالملل ولا ستريس، تقدر تمشي تهضر مع شي انساان لي ماعندكش معااه غي بااش تنقص من الملل، تقدر تسرع و تدير شي حااجة لي اتندم عليها.

مهم نتاا فديك لحاالة ماغاديش تكون مرتااح و الأفكار ديالك اتكون سلبية و مااشي منطقية. صوو خااصك تبدل حالتك النفسية بسرعة.

🔵ثانيا، حدد بالضبط بايااش بااغي تحس؟ يلا كنتي تتحس بالملل، وااش بااغي تحس بالنشااط ولا شنو بالضبط؟

🔵ثالتا، دير شي حااجة معينة بااش تحس بداك الشعور لي بااغي.

🔵مثلا، فهاد لحالة يمكن ليك تجرب هاادو: تسمع للأغاني، القرٱن، خرج تجري، تفرج فشي ڤيديو ديال الضحك، و لا دير أي حااجة.

🔵زاائد، أنه بإمكاانك دير حااجة خراا: لي هي تبدل الطريقة بااش تتشوف المشكل ولا الشعور.

مثلاا أنا كنت تنحس بالإحرااج يلا مديت يدي بااش نسلم على شي حد و هو ماسلمش علييا حيت ماشاافنيش.

فاللول كنت تنكره رااسي، نحماار، و نزرااق، و نخضاار و شحاال من حااجة. هناياا يمكن لييا و ليك حتى نتا يلا فات وقعات ليك انك تبدل كيفااش تتشوف هاد الوضعية.

🔴بلااصة ماتقول أنك تحرجتي حيت ماسلمش عليك، قول أنه ماشاافكش فقط و هاادي مااشي شي حااجة لي تخلييك ممرتااحش، و كون شاافك كون سلم عليك عاادي.

بزااف ديال المراات، المشكل تيكون عدناا فالعقل دياالنا و تيخصنا حناا، غي نشوفوه بطريقة منطقية، بطريقة مختلفة و داك الشعور السلبي لي حاسين بيه غاادي يمشي.

⚪نووبتك داباا: يلاا وقعات ليك شي حااجة لي خلااتك مامرتااحش هاد النهاار ولا مؤخراا، طبق علييها هاد الخطوات بااش تحكم فالمشاعر ديالك.

و اندوزوا لشعور و ضيف اخور لي تيجينا بزااف و نشوفوا كيفااش نتعاملوا معااه.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸