⛔أولا، الإكتئاب كمرض او مشكل نفسي فيه بزاف ديال الأعراض و متعمق كتر من هادشي لي غادي نذكر فهاد المنشور. و الهدف ديال هاد لبوسط مااشي هو ينقص من الصعوبة ديالو و لكن غير يبين وااحد الجانب فيه و كيفااش نقدروا نتعاملوا معااه.

فهاد لحالة تنقصد بالإكتئاب أي حاالة لي تتحس فيها بلي نتا ماقاادر دير واالو، تتشوف حيااتك مااشي كيف بااغي و تتحس بلي راك عااجز انك تغيرها.

و دااخل هناياا الشعور بالثقل، باليأس، بالإرهاق و غيرها.

🤔شنو هو لميسااج ديال هاد الشعور؟

لميسااج هو أنك نتاا بااغي دير بزااف ديال لحاجات بووحدك فوقت قصيير. مثلا اناا تنبغي نبدا نااكل مزياان، نطريني، نقراا كتوبة كتر،، نقري مزياان، نجمع لفلوس، نساافر، تزوج، ندير  مشروع فمدينتي و مشروع اونلااين، و نلقى وقت فين ترتااح.

بحاال داك البهلواني لي تيكون تيرمي الكرات فالسماا، يلا درتي كرة ولا 2 ولا 3، تقدر تحكم فيهوم، و لكن يلا بغيتي تلعب ب 20 كرة فدقة وحدة، ماغاديش تقدر تحكم فيهوم و غاادي يطيحو ليك.

😁شنو الحل فهاد الحاالة؟

1️⃣اولا، خاصناا نعرفوا گااع الأمور لي باغيين نديرو فحياتنا: شد ورقة و ستيلو و كتب گااع دااكشي لي مهم بالنسبة ليك.

2️⃣من بعد، رتبهوم على حسب الاولوية ديالك. ماتحاولش تدير كلشي فدقة وحدة.

3️⃣خوود الهدف لي نتاا ختاريتي اتبدا بيه و فكر فگااع لحواايج لي تقدر تدير بااش تحققوا.

4️⃣شوف أسهل حااجة فدوك الامور و ديرها.

الثقة بالنفس تتزااد فااش تندييرو شي حااجة بااش نتحكموا فحيااتنا. و ماغااديش تبقى حااس ديك السااعة بالإكتئاب، اليأس، ولا انعدام الأمل.

⚪نووبتك داباا: شنو هوما لحاجات لي مارااضيش عليهوم فحيااتك؟ ختاار وحدة منهوم و بدا تقوم بأي حااجة بااش تحسن و تطور فيها.

و اندوزو داباا للتعامل مع ٱخر شعور سلبي فهاد الفصل.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس 🐸✌️