الفضول هو وااحد الشعور وعاادة لي مهمة بزااف. و ماتنقصدش هنا بالفضول أنك تبغي تعرف حيااة النااس و المشااكل ديالهوم و تطفل علييها.

و لكن يكون عندك واحد الفضول لي يخليك تعرف معلومات، طور رااسك، تلقى حلول للمشاكل ديالك، تلقى فرص جديدة و تحسن حيااتك.

و نقدروا نبنييو هاد العاادة يلا:

1️⃣طرحناا بزاف ديال الأسئلة: الدراري الصغاار تيتعلموا بسرعة حيت تيسولوا أسئلة كثيرة. و هاد الأسئلة تيخليوهوم يعرفوا أمور جداد و يربطو بيناتهوم.

2️⃣بدينا هوايات جديدة: الفضول تيجي بشكل طبيعي يلا كنا تنديرو حاجات جدااد، دمااغنا تيبغي يعرف و يلقى أجوبة. و لكن الأغلبية ديالنا تادوز وقتها تادير نفس الأمور و نفس العادات و دماغنا تيفقد هاد القدرة ديال الفضول.

بدا هوايات جديدة لي اتخليك تكون مبتدئ و غاادي ترجع هاد الفضول.

3️⃣تعرف على ناس من مختلف المهن و الثقافات. يلا كنتي تتقرا القانون و أغلب الأصدقاء ديالك تيقراو القانون، المعرفة ديالك أتبقى محدودة.

و لكن يلا تعرفتي على نااس من شعب مختلفة و مهن مختلفة غاادي تحط دمااغك فموقف جديد، اتعلم حاجات جدااد و غاادي ترجع الفضول الإيجابي لشخصيتك.

4️⃣دوز وقت مع دراري الصغاار: الأطفال فضوليين بطبيعتهوم و يلا دوزتي وقت معاهوم غاادي تكتسب هاد لفطرة.

الفضول فااش تنخدموه مزياان تينفعناا.

⚪ماتنسااش: الفضول هو لي خلااني نبدا نقراا على علم النفس و الصحة النفسية، و هو لي خلااني نعااون بزااف ديال النااس يتعاملوا مع مشاكلهوم النفسية.

و ايعااونك حتى نتاا يلا خدمتييه مزياان.

🔴نوبتك داباا: شنو هي شي حااجة لي غاادي تعلم جديدة بااش ترجع 'الفضول' و روح التعلم لحيااتك؟

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸