اخر مرة هضرنا على كيفااش ترد الشغف ديالك، و قلنا بلي من ضمن لحوايج لي تتحيد الشغف هو الفشل.

صعييبة انك تبقى متحمس و تقااتل باش تحقق الحلم ديالك يلا فشلتي بزااف ديال لمراات و لا غي مرة وحدة.

و ليوما غاادي نشوفوا كيفااش تبني وااحد العزيمة و الإصرار لي اتخلييك تقااتل واخاا تفشل مرة ولا جوج ولا كتر.

هاادشي ماتيعنييش أنك ماغااديش تعياا، يبقى فيك لحاال يلا فشلتي، و لكن تيعني أنك غاادي تمييل و ماطييحش. 🐸

1️⃣أول حااجة هي بدل التعريف ديال الفشل.

من داباا للقدام قول لرااسك بأن الفشل مااشي هو فااش ماتحققش دااكشي لي بااغي، و لكن الفشل ديال بصح هو فاش تحبس و ماتجربش.

مثال على هاد القضية هو طوماس إيديسون لي فاش جرب 9،999 مرة يصااوب المصباح و صحاابو قالو ليه راك فشلتي 9،999 مرة، صاافي غي حبس. قاليهوم "لاا، انا غي لقيت 9،999 طريقة لي ماخداماش و صاافي".

بالنسبة ليه ( و ليك من دابا للقدام ) الفشل مااشي هو أنك ماتحققش الهدف ديالك من المحاولة لولة، و لكن أنك تحبس و تدير بناقص.

2️⃣ثااني حاجة هي قسم الأهداف ديالك لمحطات صغيرة.

يلا بغيتي تعلم شي لغة مثلا ولا دير مشروع، قسم هاد الهدف لشي 100 خطوة.

و حتاافل فااش تحقق أي وحدة فيهوم. مثلا، يلا مشيتي تسجلتي فسونطر ديال اللغات، هاادي خطوة لي حققتي، فتااخر بيها.

مشيتي للحصة الأولى فتااخر بيها.

ماتسنااش حتى تولي تتهضر طياارة بلونغلي عاد تقول انا نجحت. غي دوك لحواايج الصغاار راهوم نجاح تا هوما.

3️⃣قلب على نااس لي ديجاا حققوا داكشي لي بغيتي.

فهاد الوقت صعيب انك تلقى شي هدف لي ماكاينش شي حد حققوا ديجاا.

اي حااجة بغيتي تدير، راه اتلقى شي حد دارها، سير قلب عليه و هضر معاه و تعلم منو، ولا دير غا ڤيديو فيوتيوب و تفرج ليه.

ايعطيك الثقة بالنفس و العزيمة حيت نتاا عاارف بلي داكشي لي بغيتي راه ممكن و ايعطيك حتى طريق مختصر بااش تحققوا.

⚪ماتنسااش: أي خطأ ولا فشل مؤقت، تيوجدك للحلم ديالك.

🔴نوبتك داباا: شنو هو شي هدف لي عندك؟ و شنو هي أول خطوة لي تقدر تااخد بااش تحقق الهدف ديالك!؟.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸