الشعور بالنقص هو أي شعور لي تيخليك تحس برااسك قل من شي وااحد ولا ماستااهلش شي حااجة فحيااتك و دااير بحال شي مرااية لي تتوريك غي العيوب ديالك.

و ماكاينش شي إنساان لي ماعمروا ماحس بالنقص فشي جاانب من حياتو:

يمكن حسيتي فقراايتك فاش تتقارن راسك مع شخص ذكي عليك، حسيتي بالنقص فخدمتك فااش شفتي شي حد لي حسن منك، حسيتي بالنقص فالمظهر دياالك يلا شفتي شي حد لي لاابس حسن منك. و غيرها.

المهم هو ان كلشي جرب هاد الشعور فشي جاانب من حياتو. كلشي حس بهاد الشعور، بحاال شي ظل لي تابعك فين مامشيتي.

🤔شنو لميسااج ديالو؟

لميسااج ديالو هو أنك نتا خااصك تدير شي حااجة بااش تطور راسك فشي جانب من حيااتك.

😁و كيفااش اطبقوا فحياتك؟

🔵أولا، حدد الجانب لي تتحس بالنقص فيه! واش فقرايتك، فصحتك، فعلاقاتك، فخدمتك، فالدين ولا فااش بالضبط.

🔵من بعد، دير شي حااجة بااش تحسن رااسك فدااك المجاال.

🔵و يلا ماعرفتيش شنو دير بالضبط، سول اي شخص لي تيباالك متوفق و هو غااديك يعطيك نصيحة.

🔴و ماتنسااش تأكد بلي رااك بصح نااقص فداك المجال!

شنو تنقصد؟

شي مراات تنكونو عااد بديينا شي حااجة فحيااتنا و تنبغيو نكونو متميزين فيها. و تنبدااو نقارنو رااسنا مع شي حد لي مدوز سنين قبل مناا فدااك المجاال.

هناياا تنظلموا رااسنا. و حتى يلا كناا قدامين فدااك المجاال، راه واخاا هكااك ماخااصنااش نتوقعوا أن حناا نكونو مثاليين.  تأكد أنك نتاا ماطاالبش من رااسك دير شي حااجة مستحيلة و عاد حكم وااش بصح حااس بالنقص ولا لا.

⚪نوبتك داباا: شنو هي شي حااجة لي تتحس رااك نااقص فيها؟ وااش بصح نااقص ولا غي تتبالك هكااك؟

و شنو يمكن ليك تدير بااش تطور رااسك؟ فكر ف 5 ديال لحواايج و بداا بأسهل وحدة.

و اندوزوا لشعور سلبي ٱخوور.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸