جميع هاد المشاعر السلبية لي هضرنا على كيفااش تعامل معاها، ولا المشاعر الإيجابية لي قلنا كيفااش تبنيها كتر فحيااتك، عندها هدف وااحد: الهدف هو أنك نتاا تكون فواحد لحاالة نفسية مناسبة بااش تحقق أي حااجة بغيتي.

و فنظري أهم مهارة لي اتساعدك تحقق النجاح هي "المرونة".

شنو تنقصد بالمرونة؟

فقط انه فااش ماتوصلش لدااكشي لي بااغي، بدل الطريقة ديالك.

🔵تتهضر مع شي حد و ماقدش يفهمك، بدل الطريقة باش تتوصل ليه لفكرة.

🔵تادوز مقابلات عمل و ماتيجيبش الله خدمة، بدل كيفااش تتجاوب على الأسئلة.

🔵بديتي مشروع و مانجحش، بدل التسويق ولا حسن المنتج ولا اي حااجة.

كيماا قال اينشتاين "الغباء هو فاش تادير حااجة جوج مراات و تتوقع نتائج مختلفة".

🔴كيفااش تبني هاد المرونة فحيااتك و شخصيتك؟

كااين وااحد المقولة يابانية تتقول "كااين كثر من طريق وحدة لرااس الجبل".

و المعنى ديالها راه بااين: نتاا الهدف ديالك هو توصل لرااس الجبل، يلا الطريق لي غاادي فيها ماوصلااتكش ولا كاانوا فيها بزااف ديال العقبات، ماكااين لااش تستسلم و ترجع اللور. و لكن غي تفكر فين تلفتي و رجع خود طريق اخرى.

🔴و هاادشي لي تدير فالحياة، فااش ماتوصلش لداكشي لي بااغي،  مزياان يكون عندك المثابرة و ماتستسلمش، و لكن هاادشي ماتيعنيش أنك غاادي تبقى تادير نفس لحااجة لي ماعطااتش نتيجة.

حبس و بدل الأسلوب ديالك. و شي مراات تقدر تبدل الأسلوب ديالك مرة وحدة و توصل لداكشي لي بااغي، شي مراات ايخصك تبدل كتر من مرة، يمكن 10 و يمكن 100.

و لكن الأمر الأكيد هو أنه يلا بدلتي الطريقة ديالك غادي توصل لداكشي لي باغي. الهدف ماتبدلوش و لكن الأسلوب باش تحققوا قابل للتغيير.

⚪ماتنسااش: الحياة غير متوقعة و خاصك تكون قاابل أنك تكون مرن و تمشي معاهاا.

🔴نوبتك دابا: شنو هي شي حااجة لي بغيتي تدير و مزال ماتحققات؟ شنو هوما 3 ديال الأمور جدااد لي تقدر تدير بااش توصل لداك الهدف ديالك.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸