الشعور الثاني لي خاصنا نبنييو هو الإمتنان و الشكر لله.

علااش؟ حيت هاد الشعور عندو مناافع كثيرة ليينا:

🔵أولا، تيزيد السعادة ديالك حيت تيخليك ديماا تشوف لحواايج زويينة لي عندك.

🔵تينقص من ستريس و تيخليك مرتااح.

🔵و فااش تتحمد الله على داكشي لي عندك، تيتزااد الخير لي عندك ديجا.

و لكن صعييب أن حناا نبنيو هاد الشعور حيت دماغنا مولف أنه تيشوف لحاجة نااقصة و هادشي تيموتيڤينا فحيااتنا و تيخليونا نطمحوا للاحسن، و لكن واخا هكااك يمكن ليينا نبنييو هاد الشعور يلا تبعنا هاد الخطوات.

1️⃣فااش تفيق فالصباح، سول رااسك شنو هوما لحواايج لي انا ممتن ليها فحيااتي الشخصية، المهنية، ولا فشخصيتي.

2️⃣ شد ورقة و ستيلو و كتب الأمور لي عندك داباا و شحال هاادي كانت غي حلم عندك: مثلا، يمكن لبااك ولا الإجازة ولا عندك ديبلوم دابا لي شحال هادي كنتي تتقاتل بااش تاخدوا.

يمكن شي وظيفة، يمكن شي علاقة حميمية ولا غي صديق، يمكن تعلمتي شي مهارة بحال سباحة ولا البرمجة ولا تعلمتي شي لغة.

لمهم هو تفكر لحوايج لي كنتي مستريسي بااش تحصل عليهوم من قبل و داباا ولااو جزء من حيااتك.

3️⃣شوف حالة الناس لي قل منك: شوف نااس لي فقراء ( و يمكن نتاا منهوم 🐸 و لكن شوف لي قل ) شوف أيتام، نااس لي تيعاانيو من الحروب فغزة، النااس لي ماتو فزلزال الحوز و فقدوا المنازل ديالهوم.

شوف لي قل منك بااش تعرف قيمة لحواايج لي عندك.

4️⃣شري شي كتااب لي تبقى تكتب فيه الأمور الزوينة لي تتوقع فحياتك. تقدر تكون صعيبة أنك تفكرهوم داباا. و لكن يلا عندك شي كتاب ولا بلاصة فين تتسجل الأمور زوينة لي تتوقع ليك، اتجيك ساهلة انك تفكرهوم فااش تحتاجهوم حيت اتمشي تقراهوم بكل سهولة.

5️⃣قبل ماتنعس، فكر ف 3 ديال لحواايج لي وقعوا زوينين فداك نهاار. و خليهوم يكونو بسااطين.

مثلا، بقيتي عاايش، هاادي زويينة. كليتي شي ماكلة تتعجبك، تلاقيتي شي حد، شفتي دري صغير و ابتسم فوجهك، شفتي ڤيديو ديال الضحك فلفاايس و خلااك فرحاان.

اي حااجة، تفكر اي حااجة لي وقعاات زويينة فداك النهاار، بااش تساالي نهاارك بسعاادة.

⚪ماتنسااش: الله قال "لئن شكرتم لأزيدنكم".

🔴نوبتك داباا: فكر ف 3 ديال لحواايح لي نتاا حاامد الله عليهوم - صغاار ولا كباار.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸