الشعور بالوحدة و بلي نتا منعزل على النااس هو اخر شعور سلبي غادي نتعاملو معاه.

🤔شنو لميسااج ديالو؟

لميسااج هو أن حناا تنهتموا بالناس و بغينا علاقة معاهوم. غي هو هناا خاصناا نتابهوا لشنو هو نوع العلاقة لي بصح محتاجين.

مااشي ديماا غاادي تكون علاقة حب، تقدر تكون صداقة، تقدر تكون محتااج لواليديك، تقدر تكون محتااج لشي حد يسمع ليك، تقدر تكون محتااج شي حد لي يتسارا معااك.

😁كيفااش نتعاملوا معاه؟

🔵 كيماا قلت أول حااجة، هي ان حناا نعرفوا نوع العلاقة لي محتااجين.

🔵من بعد، دير شي حااجة بااش تحصل على ديك العلاقة، توااصل مع شي حد و تلاقا بيه ولا هضر معااه.

🔴شي مراات تنحسوا بالوحدة مااشي يلا كناا بعادين على النااس، و لكن يلا كناا بعاادين على القيم دياالنا و على كيفااش باغيين نعيشو.

🔵فهااد الحاالة خااصك تعطي وقت لرااسك لي تعاود تفكر فيه الأولويات ديالك فالحياة.

🔵ولا تدوز وقت لي ماتدير فيه والو من غير أنك تبقى مع نفسك، و تعطي وقت لرااسك. و فهاد الوقت يمكن ليك دير اي حااجة لي اتستمتع بيها مع رااسك ولا غي ترتااح فقط.

⚪نوبتك داباا: فكر فشنو نوع العلاقة لي محتاج: وااش صديق لي تعااود ليه كولشي ولا شي وقت لي تعطيه لنفسك؟

فكر فنوع العلاقة لي محتااج و دير خطوة بسيطة بااش تحصل عليها.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸