فااش كناا صغاارين كاان عدناا أحلام و طموحات كبيرة، و لكن فااش كبرنا إما نسينا و تخليينا على دوك الأحلام.

أولا، حااولنا نخدموا عليهوم و لكن بسبب فشل مؤقت تخلينا عليهوم، و الأمور لي كانت مهمة بالنسبة ليينا من قبل فقداات قيمتها.

و شي مراات تنحسوا بلي صاافي، مانقدروش نرجعوا داك الحماس لي كان عدناا. و لكن هاادي مااشي هي الحقيقة.

واخاا داباا تحس بلي الشغف ديالك مشاا، يمكن ليك ترجعوا يلا تبعتي هاد النصائح البسيطة:

1️⃣أولا، تفكر شنو كنتي بااغي تدير و علااش؟ الشغف ديالنا الحقيقي تنلقااوه مااشي فشنو كناا باغيين نديرو، و لكن فالسبب ورااء دوك الأهدااف.

كنتي بااغي تخدم بوليسي ولا طبيب ولا كنتي بااغي تكبر و تعاون الفقراء حتى لقيتي رااسك نتا هو الفقراء، شخصيا.

علااش كنتي بااغي هاادشي؟

وااش كنتي بااغي تعاون النااس؟ كنتي بااغي تكون نتاا لول فشي ضومين؟ كنتي بااغي تعيش حيااتك بحرية؟

فكر فالأسباب دياالك و فااش اتلقى السبب، الشغف ايبدا يرجع.

2️⃣وااش مزاال ممكن تحقق داك الهدف؟

مثلا كنتي بااغي تولي طبيب فااش تكبر و لكن كبرتي و درتي تخصص ٱداب فالليسي، يعني ماعندك كي دير تحقق هاد الهدف بالضبط.

و لكن رااه يمكن ليك تلقى شي حااجة اخرى لي من خلالها اتعااون النااس. حيت كيف قلنا عاد داباا "الشغف الحقيقي هو فالأسباب مااشي فالأمور لي بغيتي تقوم بيها".

يلا مابقااش ممكن تحقق داك الهدف بالضبط، ختاار هدف اخوور لي غاادي تعيش من خلالو نفس الشعور و تحقق نفس الهدف.

3️⃣بداا شوييا بشوييا.

غالباا النااس فااش كان عندهوم شغف فشي حااجة، كانوا تيخدموا علييها تقريبا 24/24 و 7 ايام فالأسبوع.

فاااش تتفكر فهادشي و نتاا فقدتي الشغف، تتقول بلي مايمكنش نرجع نخدم بنفس المستوى و نعطي نفس الجهد. و لكن يلا كنتي عااقل، رااك مابديتيش بدااك المستوى.

فاللول كنتي بديتي هي شوييا و مع المدة عاد وليتي قادر تخدم كتر. حتى داباا فااش تبغي ترجع الشغف ديالك، بداا غي بشوييا بااش تعاود تحس بنفس الشعور لي حسيتي ببه من قبل.

و مع المدة اترجع قاادر تخدم كتر و كتر.

4️⃣شنو لحااجة لي حيداات ليك الشغف؟؟

غالباا الشغف ديالنا تيمشي بسبب جوج أمور: إما مع الوقت تنسااوه ولا بسبب شي فشل.

يلا كنتي فقدتي الشغف ديالك غي حيت مع المدة حبستي، فهاد لحالة فقط بداا شوييا بشوييا و غاادي يرجع.

اما يلا فقدتي الشغف ديالك حيت حاولتي تحققوا و فشلتي و حسيتي بالإحباط، ديك الساعة دمااغك غاادي يعتقد أن هاد الشغف دياالك هو لي خلااك تحس بالإحباط.

و لكن فالواقع راه عدم تحقيق الهدف ديالك هو لي خلااك تحس هكاا. أماا كون حققتييه كون رااه كنتي سعيد كتر.

فهااد لحاالة خااصك تدير خطوة اخرى.

5️⃣دير أهدااف جديدة.

خااصك تدير أهدااف جديدة متعلقة بالشغف ديالك و كل نهاار فكر فكيفااش غاادي تحس يلا حققتيهوم.

تخاايل رااسك داباا وصلتي لدااكشي لي بااغي!! بااش حسيتي!؟

بشعوور زويين يااك!

كل نهاار دير 5 دقاايق فكر فالأهداف ديالك و كيفااش غاادي تحس يلا حققتيهوم و غاادي تسترجع الشغف ديالك.

⚪ماتنسااش: مااحدك عاايش، أي حااجة ممكنة.

🔴نووبتك داباا: شنو هو شي هدف جديد لي يمكن ليك تديرو و ترجع الشغف ديالك؟

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸