الندم ولا الإحساس بالذنب هو واحد الشعور لي مفيد لينا.

بزااف ديال النااس تيقولك ماخاصكش گااع تحس بالندم على لي فات، و لي وقع رااه وقع. و لكن هاادي غي هضرة.

الندم و الذنب رااه تينفعك يلاا سمعتي لميسااج ديالو و طبقتيه فحيااتك.

🤔شنو هو هاد لميسااج؟

لميسااج هو أن حناا درناا شي حاجة لي ضد المبادئ ديالنا، و خاصنا اماا نصلحوا الخطأ لي درناا داباا ولاا نديرو شي حااجة باش نتأكدوا ان حناا ماغاديش نعاودو نكرروا نفس الخطأ فالمستقبل.

تقدر تكون دابزتي مع وليديك، و بقا فيك لحاال. ظلمتي شي وااحد، ولا كدبتي ولا درتي شي حااجة خاايبة. الندم تيجي بااش يقوليك بلي نتاا رااك ماداايرش هكاا و خااصك تصلح لفالطة لي درتي.

و لكن أغلبية النااس بلااصة مايفهموا هاد لميسااج، إماا تيحاول يهرب و مايحسش بالندم فخطراا، ولا تيبقى حااس بالندم و تيكره رااسو على لغلطة لي داار و ماتيتبدل والو فحياتو.

😁صوو، شنو الحل؟

🔵أولا، خااصك تعترف أنك قمتي بواحد الخطأ و ماتكدبش على رااسك.

🔵ثانياا، خااصك تمشي تصلح داك الخطأ بالإعتذار و أي حااجة ضرورية.

🔵ثالثا، يلا كان ماشي ممكن انك تغير و تصلح داكشي لي وقع، ركز على أنك ماتعااودش نفس الخطأ من دابا للقدام.

🔴شي مراات تيخصنا نتأكدوا أنه بصح خااصنا نحسو بالذنب و الندم فديك لحاالة.

مثلا، يلا شي حد طلب منك تساعدوا و نتاا رفضتي و نتاا ماقاادرش تساعدو، ماكااين لااش تحس بالذنب هناياا. حيت نتاا ماقاادرش.

يلا شي حد طلب منك تسلفوا لفلوس و نتاا عندك و قاادر انك تسلفوا، و لكن عاارفو ماغااديش يرد لييك فلوسك، ماكااين لااش تحس بالندم.

🔴ماخاصكش تحس بالندم يلا نتاا فضلتي رااحتك النفسية على اي حااجة خراا. نتاا هو اللول.

تبع هااد الخطوات و غاادي تحس أن داك الندم و الذنب تهز علييك و مابقااش.

⚪نووبتك دابا: شنو هي شي حااجة لي نتاا ناادم عليها؟ اولا واش منطقي أنك تحس بالندم علييها؟ و يلا كان منطقي، كيفااش يمكن ليك تصلح هاد الخطأ ولا تلتزم انك ماتعاودش تكرروا مرة اخرى.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸