أي إنساان لي تيطريني شي رياضة: لفيتنيس، سباحة، الجري، و غيرها، عاارف واحد الحقيقة بسيطة: بااش تزيد للقدام و تطور رااسك خااصك تحدى رااسك و تدير أمور لي خاارجة على منطقة الراحة ديالك.

و نفس شيء تينطبق على الصحة النفسية، بغيتي تولي إنساان جديد و تخلص من عاداتك السلبية فخطراا، خااصك تحدى رااسك بااش تبدل، و هاد التغيير ماغااديش يكون سااهل.

و هناا غادي نعطيكوم مجموعة ديال التحديات و ختارو اي واحد فيها و التزموا بيه ف 10 ايام المقبلة.

1️⃣التحدي الاول: تخلص من شي عادة

🔴ختاار شي طريقة سلبية ديال التعامل مع المشاعر من لي شفنا قبل. مثال: تجاهل المشاعر، الكبت، المقارنة، لوم الذات، العزلة و غيرها.

و فهاد 10 ايام المقبلة ماتخليش رااسك تطيح فأي سلوك من هادوا.

أتلقااو الشرح ديالهوم فالفصل الثاني و حتى كيفااش تخلص من اي وحدة فيهوم يلا نسيتو الطريقة.

2️⃣التحدي الثاني: تخلص من شي شعور سلبي

🔴أولا، ختار شي شعور سلبي لي تتعاني منو بزااف، بحال الغضب، الخوف و غيرها.

🔴و لمدة 10 أيام، طبق عليه الخطوات لي شفنا فالفصل الثالت و تعامل مع الشعور فأسرع وقت ممكن، ماتخليهش حتى يخرج على السيطرة.

3️⃣التحدي الثالث: بني شعور إيجابي

🔴ختار شعور إيجابي من المشاعر و العادات لي شفنا فالفصل الرابع.

🔴وجد 'خطة' و مجموعة ديال الطرق بااش تحس بهاد الشعور لمدة 10 أيام على الأقل. ( الطرق كاينين فالفصل الرابع)

4️⃣التحدي الرابع: بغي رااسك

🔴لمدة 10 ايام، شوف فلمرااية كل نهار و قول 3 ديال لحوايج لي تتبغي رااسك.

5️⃣التحدي الخامس: تخلص من الأخبار

أغلبية الأخبار لي تتكون فالتلفازة و سوشل ميديا عندها هدف واحد: تشد الإنتباه ديالك. و الطريقة باش تيشدوا الإنتباه ديالك هي انهم يهضروا على جميع المشاكل لي واقعة فالعالم و يخليوك تحس بالخوف.

🔴لهذا ف 10 ايام لي جااية، ماتبعش الأخبار فتلفازة ولا من مواقع التواصل الإجتماعي و ابتعد على الناس لي ديما تتجبد ليك الأخبار.

6️⃣التحدي السادس: ماتشكااش

🔴لمدة 10 ايام، ماتشكى من تا شي حااجة لي واقعة فحياتك.

هادشي ماتيعنيش انه كلشي غاادي يكون زوين فحياتك و عاادي أنه تقول بلي شي حااجة مامزياناش فحيااتك، و لكن ديما سالي هضرتك ب "الحمد لله" و ماتعمقش فعلااش ديك لحااجة مامزياانااش.

7️⃣التحدي السابع: سااعد الناس

🔴لمدة 10 ايام دير شي حااجة زوينة لشي شخص بدون ماتسنى أي مقابل.

8️⃣التحدي الثامن: تهلا فرااسك

🔴لمدة 10 ايام خصص لراسك 30 دقيقة على الاقل و دير فيها شي حااجة لي بااغي دير و لكن كنتي مأجلها من شحاال هاادي.

9️⃣التحدي التاسع: ساامح رااسك و الناس لوخرين

🔴لمدة 10 أيام، ساامح رااسك على أي خطأ قمتي بيه فالماضي، و سامح شي شخص لي ٱداك بشي شكل بسيط.

🔟التحدي العاشر: قرا كل نهار

🔴لمدة 10 أيام، خصص 30 دقيقة لي تقراا فيها شي كتااب لي ينفعك.

⚪للإشارة، فجميع هاد التحديات يلا وصلتي للنهار التااسع و نسيتي داك نهاار انك تقوم بالتحدي ديالك، خااصك تعاود لحسااب من لول.

⚫ماتقولش مع رااسك "صاافي نسييت نهاار، انعوض نهاار فاللخر، لاا ضروري يكونوا 10 أيام متاابعين. عليها يلا نسيتي شي نهاار، عااود من اللول.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸