تتلقى رااسك شي مرات تتعصب على شي حااجة صغيرة و تافهة و لكن واخا عارفها تافهة مااتتقدرش تحبس؟

كاين جوج اسباب لهاد المسألة: أولا، تيكونو ديجا عندك واحد التراكمات لي هاز فقلبك. و السبب الثاني هو أنك نتاا ماتتعاملش مع ديك لحااجة فااش تتكون مزاالا صغيرة.

كااين واحد العبارة ديال "اقتل الوحش و هو صغير" ولا "عالج الجرح قبل أن ينزف" و المعنى ديال هاد العبارات هو انك خااصك تعالج المشكل قبل ما يتفاقم و يخرج على السيطرة.

بديتي تتحس بالتسريس، لخوف، الغضب، الإكتئاب، ولا اي حااجة. بالزربة دير داكشي لي تعلمتي باش تخلص من هاد الشعور.

ماتسااينش حتى يكبر الشعور و ديك الساعة اما اتولي صعيبة انك تخلص منو، و لا اتكون اتسرعتي و قمتي بشي أمور لي اتندم عليها من بعد.

🔵 و طريقة بسيطة باش تعامل مع الشعور السلبي دغيا، هي انك تسول رااسك واحد السؤال سحري. 🤩

قلنا قبل بلي المشاعر تتجي من لحاجة لي تنركزوا عليها و كيفااش تنشرحوها فدماغنا.

درتي مع شي حد تلاقاو و تعطل، يلا ركزتي على ان خونا لي نتاا دااير معاه جا معطل و قلتي لرااسك بلي "هو جاا معطل حيت ماتيحترمنيش" اتحس بالغضب و اتحقد على داك الشخص.

صوو يلا وقعات ليك هاادي سول رااسك "شنو شي تفسير اخوور لهادشي لي وقع؟"

فهاد لحاالة شنو هو شي تفسير اخور لخوناا لي تعطل من غير انه ماتيحترمنيش. و رااسك ايقولك:

🔴يمكن رااه غي مالقااش طااكسي

🔴واقيلا رااه شدو شي وااحد فالطريق

🔴يمكن رااه شي حااجة وقعاات لييه

مهم، اتلقاا شي تفسير اخوور لاي حااجة لي وقعاات.

و مع تفسير جديد، تيجي شعور جديد. غي هو تأكد من التفسير الجديد يكون إيجاابي و مايخلييكش معصب، حيت فالأخير أي شعور سلبي هزيتي فقلبك، تيضرك غي نتاا.

اوا حااول على رااسك، على صحتك النفسية، و على صحاابك، و ديماا سول رااسك، "شنو شي تفسير اخوور لهادشي لي وقع؟"

⚪فلبوسط الجااي انشوفوا 5 ديال الأمور لي تنقوم بيها انا يوميا بااش نحاافظ على صحتي النفسية و نبقى ديما محكم فالمشاعر ديالي.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸