أي شخص لي تاايق فرااسو غاادي يكون سعيد و نااجح كتر فحياتو من شخص لي تيعاني من نقص الثقة بالنفس.

حيت ببساطة فاش اتكون تاايق فرااسك، أفكاارك اتكون إيجابية كتر و غاادي تحدى رااسك، تقتنص من الفرص و تقاتل باش تحقق داكشي لي بغيتي.

و لكن لأسباب مختلفة قليل فيينا لي تاايق فرااسو. و الأسباب تتختلف، كااين لي الطفولة ديالو ماعاونتوش يبني هاد الثقة بالنفس، كااين بسبب فشل تيعاني من نقص الثقة، كااين لي ماعاارفش شنو هي الثقة بالنفس و كيفااش يبنييهاا.

و كااين عوتاني لي ناقصاه الثقة بالنفس غي فشي مجال، مثلا المظهر ديالو، ولا فخدمتو ولا فعلاقات ديالو مع الناس.

🔴 و بااش نبنييو الثقة بالنفس يمكن ليينا نديرو 2 حواايج:

1️⃣تفكر لحواايج زويينة فييك

واخاا تكون قصير، غليض، خاايب، ماقاريش، ماخداامش، تتعصب دغياا ولا اي حااجة لي فنظرك نتا ولا بالنسبة للمجتمع خايبة، ضروري مايكون فيك أمور لي زويينة: إماا حواايج فشخصيتك ولا أمور لي درتي.

و مااشي ضروري يكونو كبارين: يلا كنتي ظريف، هاادي حاجة زويينة فيك، يلا كنتي تتسمع للناس، هاادي حااجة زويينة فيك، يلا كنتي تتعرف تغني ولا تقرا القرٱن، ماتتبغيش الظلم، هاادو حواايج زوينين فيك.

كنتي معلم شي حرفة، قااري شي لغة، تتعرف طيب، ولا عندك مع شي رياضة، هاادو امور لي زويينة فيك. كنتي تتقن لخدمة ديالك، قرااي، تتلبس مزياان ولا شي حااجة اخرى، هاادو حواايج زوينين فيك.

🔴فكر ف 10 ديال الأمور بحال هكاا لي زويينة فيك، كتبها فورقة، قراها كل نهاار و حس بيها. هكاا اتبني ثقتك بنفسك.

2️⃣لحاجة ثاانية هي تدير أهدااف و تحققهوم.

يلا كنتي ماتايقش فرااسك فقرايتك مثلا، دير شي هدف لي باغي توصل ليه فقرايتك.

هدف لي فااش غادي تحققوا غاادي تيق فرااسك كتر. مثلا، انك تقرا 5 ديال لكتوبة فالمجال ديالك لي ايخليوك تحس برااسك دكي.

يلا كنتي ماتايقش فرااسك فصحتك، دير هدف انك دخل لاصاال و تبداا تطريني.

مهم هو دير شي حااجة بااش تطور رااسك فاي مجال لي تتحس فيه بالنقص. و فااش اتحقق داكشي، ثقتك بنفسك اتزاد بشكل طبيعي.

⚪ماتنسااش: الثقة بالنفس مااشي شي حااجة لي ثابتة. يمكن ليك تحكم فيها و تغيرها يلا تبعتي هاد النصائح.

🔴نووبتك داباا: شنو هوما 3 ديال لحواايج زوينين فيك لي كنتي نااسيهوم!؟ فتااخر بيهوم داباا. 😊💓

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸