كلنا ضيوف فهاد الدنيا و ضيوف لمدة قصيرة، تا شي حد ماعاارف راسو امتاا ايخصوا يغاادر. ماتيهمش السن ديالك، المكانة الإجتماعية ديالك ولا اي حااجة.

غاادي نغادروا الدنيا و أنخليو الممتلكات ديالنا، لحااجة لوحيدة لي اتهم من بعد الرحيل ديالنا هو الأعمال ديالنا لي قمنا بيها لله، و الأثر لي خليينا فحيااة النااس.

و احسن حااجة هي فااش تخلي واحد الأثر لي جميل فحياة شخص ولا أشخاص لي تلاقيتي فحياتك، و بسبابك يكونو عاشوا حياة زوينة، نقصتي من المعاناة ديالهوم و لا خليتيهوم حسن بشي طريقة.

و يتفكروك بيها.

تنظن بلي كلنا باغيين نعرفوا بلي حيت حنا عشناا، العالم ولاا حسن و لو لدرجة بسيطة.

و يمكن ليينا كامليين نحصلوا على هاد الشعور بأمور بسااطين: 

1️⃣الإبتسامة

واحد القصة ديال إنسان كره الدنياا و بغا ينتااحر، و كان غاادي لواحد الجسر بااش يقفز منو، و قال مع راسو "يلا غي إنساان واحد بتااسم فوجهي، ماغاديش نتااحر".

و للأسف تا حد ما بتااسم فوجهوا، و قفز من الجسر و لكن نقدوه من بعد و تيعااود قصتو لي المغزى ديالها هو 'شي مراات حاجاات بسيطة بحال الإبتساامة تيكون عندها تأثير كبيير على النااس'.

ماتنقصوش من قيمة أي حااجة.

2️⃣كلمة طيبة.

يمكن ليك تخلي واحد الأثر فحيااة الإنساان غي بشي كلمة لي قلتيها لييه و خليتيه يحس بلي راه إنسان مميز، عندو قيمة، و بلي يستااهل يعيش.

3️⃣تعطي وقتك

و يلا ماقديتيش تقول كلمة، على الأقل عطي لشي إنساان وقتك و سمع ليه يلا كان محتااج شخص لي يخوي عليه قلبوا و يحكي قصة حيااتو.

4️⃣تشارك معلومة.

يلا كنتي طالب جامعي و ضابط التخصص ديالك، شاارك معلومات مع الطلبة الجدد. كنتي موظف عندك خبرة، شاارك التجارب ديالك مع الموظفين الجدد.

يلا كان عندك أي علم لي اكتسبتيه من تجربة ولا من كتااب لي قريتي و عاارفوا غاادي ينفع النااس، شااركوا.

5️⃣ماتدييرش لحسااب.

ٱخر حااجة هي واحد لي خاصنا نتجنوا.

فاش تدير أي حااجة ديال الخيير، ديرها لوجه الله. ماتسنااش من داك الشخص انه يرد ليك المساعدة لي درتي. ولا تعايرو بييها من بعد.

المغزى ديال هادشي كامل هو انك تدير لخير بصدر رحب و تخلي الله يجازيك على الخير لي درتي مع المدة.

جميع هاد المنشورات لي درت، كتوبة، ڤيديوهات كانوا من أجل أنه نخلي واحد الأثر إيجابي فحياة الناس و نتمنى أنه هاد القصد يكون تحقق و لو بنسبة بسيطة. 💓

⚪مااتنسااش: لا تحقرن من المعروف شيء. حااجة لي تباالك بسيطة ايكون عندها تأثير كبر من لي تتوقع.

🔴نوبتك داباا: شنو هي شي حااجة بسيطة لي تقدر تدير من أجل النااس؟ دييرها لوجه الله. 💓

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس 💓