يلا بغيتي تحاافظ على صحتك الجسدية و تكون عندك وااحد لفصاالة لي وااعرة، خااصك تطريني تقريبا كل نهاار، تااكل مزياان كل نهاار، و تبعد فخطراا على الأمور لي تقدر تسبب ليك أمرااض فصحتك.

يعني صحتك الجسدية مااشي شي حااجة لي اتبني مرة وحدة، و تبقى ليك ديماا. خااصك ديما تحاافظ عليها. و نفس الشيء تينطبق على صحتك النفسية.

و غاادي نشوفوا داباا 5 ديال الأمور لي انا تنقوم بيها بشكل يومي لي عاوناتني أني نتخلص من الإكتئاب و الستريس و نبقى ديماا إنساان لي سعيد و مرتااح فحيااتو.

1️⃣التأمل

هاادي أكثر حااجة تنهضر عليها و تنصح الناس بيها و هي أكثر حاجة نفعاتني. التأمل تيسااعد الدماغ أنه يركز على الحاضر و ينسى الماضي و مايفكرش فالمستقبل، تيساعدك أنك تكون متحكم فالمشاعر ديالك و تيزيد من السعادة ديالك.

2️⃣الإمتنان

كل نهاار تنفكر ف 3 ديال الأمور لي انا حامد الله عليها فحياتي الشخصية، 3 ديال الأمور فحياتي المهنية، و 3 ديال الأمور فييا كشخص.

و شحال مافكرتي فالحوايج الزوينة فحيااتك، شحاال ماتتمنع أنك تصااب بالإكتئاب.

3️⃣الرياضة

أغلبية الناس فحياتي و بالخصوص لي كانوا تيعرفوني قبل الكورونا، عارفين بلي انا تنكره الرياضة و ما بيني و بينها غي الخير و الإحسان.

و لكن فهاد العام اللخر، ولييت عاطيها أهمية و لقيت بلي شحاال ماتنطريني الجسد ديالي (لحديد، الجري، السباحة ) شحاال مااتنكون مرتااح نفسيا.

4️⃣التواصل مع الٱخرين

أنا إنساان لي منعزل وااحد الشوييا و ماتنجمعش بزااف مع النااس، و لكن واخاا هكااك تنخصص واحد الوقت لي نهضر فيه مع الصحااب و نضحك معاهوم ( ولا عليهوم ).

و فااش تتكون عاارف بلي عندك مجموعة ديال النااس لي يمكن ليك تعتمد عليهوم و تهضر معاهوم فااش تكون ضاايقة بيك الدنياا، تتحس برااحة كثر و الخوف تينقص بزااف.

5️⃣النعااس

النوم واحد لحااجة لي مهمة بزااف للصحة النفسية و الجسدية. فااش ماتنعسش مزياان و تنمشي نخدم، تنكون معصب كتر و حاجة بسيطة تتقنطني.

و حتى فااش تنعس بزااف، كتر من لقيااس، تنحس بالتعب و الخمول و ماتنقدر ندير واالو.

خير الأمور اوسطها: الإنساان يهتم بالنوم ديالو و ينعس ما بين 7-8 ديال الساعات لي هو المتوسط فالغالب لأغلب الناس.

⚫هادوا 5 ديال الأمور لي تنقوم بيها و تنصح أي واحد يقوم بيها بااش يحاافظ على صحتوا النفسية.

⚪أندوزوا داباا لاخر حااجة فالفصل لي هي تحدي بسيط ليكوم.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس✌️🐸