عَنْ أُمِّ المُؤمِنِينَ أُمِّ عَبْدِ اللهِ عَائِشَةَ - رَضِيَ اللهُ عَنْهَا - قَالَتْ: قَالَ رَسُوْلُ اللهِ : " مَنْ أَحْدَثَ فِيْ أَمْرِنَا هَذَا مَا لَيْسَ مِنْهُ فَهُوَ رَدٌّ " رواه البخاري ومسلم، وفي رواية لمسلم " مَنْ عَمِلَ عَمَلاً لَيْسَ عَلَيْهِ أَمْرُنَا فَهُوَ رَدٌّ "

🔵شرح الحديث:

1️⃣أولا، هاد الدين كامل و شامل لجميع جوانب الحياة. و جات هاد المسألة واضحة فسورة المائدة: 'اليوم أكملت لكم دينكم وأتممت عليكم نعمتي ورضيت لكم الإسلام دينا' الٱية 3. 

2️⃣ماكاينش مجال للزيادة، و الإنسان خاصوا يلتزم و يتبع الأمور لي شرع الله فالعبادات لا من ناحية أنواع العبادات لي كاينة، الطرق، الأوقات أو غيرها. و أي عبادة لي الإنسان تيقوم بيها خاص يكون الأساس ديالها فالشرع. 

3️⃣ثالثا، ماكاينش شي بدعة لي حسنة و لو تكون نية الشخص نقية و تكون لوجه الله خالصة. أي بدعة سيئة و مرفوضة فالدين. 

4️⃣رابعا، البدعة تتكون فالدين ماشي فالحياة العامة. شي نااس حامضين فاش تتقوليهوم على شي حاجة بدعة حيت ماكانش الرسول ولا الصحابة تيقومو بيها، تيقولك "وا هاد  طاكسي، تيليفون و غيرها ماكانش فعهد الرسول، يعني تا هو بدعة"

و الجواب هو "لا" لأن النبي قال من أحدث في أمرنا هذا، أي الدين، ماشي فأمور أخرى. 

انتهى، ملخص من شرح إبن عثيمين، الإمام النووي، الإمام إبن دقيق العيد، و موقع إسلام ويب.

موعدنا غدا مع الحديث السادس إن شاء الله.

دخل لهناا باش تقرى شرح الحديث الرابع "الأعمال بخواتيمها" 👇👇

الحديث الرابع الأعمال بخواتيمها (growbdarija.com)

بييييس ✌️🐸