هذاا بطبيعة الحاال مااشي من ضمن المشاعر الإيجابية، و لكن دخلتوا هناا حيت هو تيسااهم بزااف فصحة نفسية أحسن.

مقولة لي كبرنا تنسمعوها هي "العقل السليم في الجسم السليم". و دوزت لكتيير ديال حيااتي تنفي هاد المقولة و ماكنتش تنهتم بالرياضة ولا صحتي گااع.

كاانت أسهل بالنسبة لييا أني نقراا كتااب، ندير التأمل، و ندير امور لي كااينة فهااد لكتااب على أنني نطريني.

و لكن مع المدة تغير هادشي، و ولييت تنطريني شوييا بشوييا ولاحظت فرق كبيير فالثقة ديالي بنفسي حيت وليت تنتحدى رااسي و ندير أمور لي صعييبة، و فنفس الوقت لقييت تأثير كبير على نفسيتي.

من بعد ماتنطريني لحديد، الجري، السباحة، تنحس بالستريس مشاا، تنكوون كاالم كتر، تفكيري تيكون حسن و تنكون سعييد بزااف.

و العكس صحيح: الأياام لي تنمشي نخدم و أنا ماناعسش مزياان تنكون معصب، ولا نقدر نكون نعست بزااف گااع و لكن واخا هكاك تنفيق و انا عييان حيت مانعستش بكري، مابقيتش تنطريني، ولا اي حااجة.

صوو باختصاار، كااين واحد العلاقة ما بين الجسم ديالنا و  العقل ديالنا و يلا بغينا نحافظوا على صحتنا النفسية خاصنا نبدااو بصحتنا الجسدية.

أنا مااشي خبير فهاد المجال و لكن مااشي ضروري نكون خبير حيت أصلا اغلب الأمور راه بااينة.

🔴خااصك تبعد على شي أمور بحال الأطعمة المعلبة، التدخين و المخدرات، السكر بزااف، لموناضة.

🔴و خااصك تدير شي أمور بحاال تخرج تجري كل أسبوع، تطريني واخاا غي تمارين خفاف فالدار، تمشى كل نهاار 30 دقيقة مثلا.

⚪ماتنسااش: شحاال ما اهتميتي بالصحة دياالك شحاال ماغاادي تكون إنساان سعيد و قاادر على أنك تحكم فالمشاعر ديالك كتر.

🔴نووبتك داباا: شنو هي عاادة مضرة بالصحة لي غادي تخلص منهاا؟ و شنو هي شي عادة مفيدة لي غاادي تبدا؟

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸