شفنا لمرة لفايتة العادات السلبية لي متعلقة بإخفاء المشاعر، دابا فالجزء الثاني انشوفوا العادات السلبية لي متعلقة بكيفااش حناا تنتعاملوا هاد المشااعر بشكل غاالط.

1️⃣إيذاء النفس: فااش تيوصل الغضب بالخصوص لواحد الدرجة كبيرة، الإنسان تيفقد السيطرة على راسو و تيأدي رااسو جسدياا إماا بالموس، يحرق رااسو، ولا يضرب يديه مع لحيط ولا غيرها.

🔴علااش هاادي خاايبة؟

أولا، راه بااينة تتأدي رااسك. ثانياا، نتا هناا ماتتعالجش المشكل فالمصدر ديالو. زاائد، دوك الجروح غاادي يخليو الأثار ديالهوم و تقدر بسبب هاد لقضية ماتنسااش داك المعاناة لي دوزتي.

🔵شنو الحل؟

الحل دائما هو أنك توصل لمصدر المشكل. و تبنى عادات إيجابية لحل المشكل، لي شفنا من قبل.

2️⃣إنتقاد الذات: تبقى تلوم راسك على المشاعر السلبية لي تتحس بيها.

🔴علااش هادي خاايبة؟

هادي تتخليك تحس بلي نتا تستحق داك العداب النفسي و تيبعدك هادشي على الحل.

🔵شنو الحل؟

الحل هو تكون ظريف مع نفسك و تعامل راسك كيماا اتعامل صديق مقرب يلا تحط فنفس الموقف. و خصص وقت باش تلقى حل للمشاكل ديالك.

3️⃣الإسقاط: هادي هي فاش حناا تنرفضوا التعامل مع المشاعر ديالنا و تنلصقوها فالناس لوخرين.

مثلاا، تقدر نتاا تكون كااره رااسك و ماتاايقش فرااسك، و تفترض أن النااس لوخرين رااه تاهوما كارهينك. ولا نتاا تكون حااسد شي حد ولا تتغار منو، و تقول مع رااسك راه هو يكون حااسدني.

تنديروها بااش نحسوا ان كلشي عندو داك الشعور السلبي و راه عاادي و تنبرروه لرااسنا.

🔴علااش هاادي خاايبة؟

هاادي خاايبة لاحقااش أولا تتخصر علاقاتك مع الناس. و ماتتخليكش تعترف بشنو تتحس و تاخد المسؤولية ديال حيااتك.

🔵شنو الحل؟

الحل هو انك تعترف بالمشاعر ديالك و تعامل معاهوم.

4️⃣التفكير الكارثي: هاادي تتعني أن الإنسان ديما تيفترض الأسوء غاادي يوقع فأي وضعية.

🔴علااش هاادي خاايبة؟

هادي خايبة حيت تتأدي للقلق و حالة خوف مستمرة.

🔵شنو هو الحل؟

الحل هو أنك تحدى دوك الأفكار السلبية لي عندك تفكر بشكل واقعي. سول رااسك "شحاال من مرة كنت متوقع الأسوء يوقع، و فاللخر تا حااجة ما طراات."

شنو لي بصح ممكن يوقع؟ شحال هي النسبة؟ و كيفااش يمكن لييا نتعامل مع هاد السيناريو يلا بصح وقع؟

5️⃣التفكير بالأسود أو الأبيض: تنقولو ديما واش نتا معانا ولا مع غانا. هذا هو التفكير بالأسود و الأبيض، تتشوف الدنيا فهاد المنظورين فقط.

🔴علااش هاادي خاايبة؟

شي مراات كااين بصح 2 ديال الإحتمالات فقط. و لكن بزاف ديال الأوقات تتلقى كتر، و فااش تتفكر بهاد الطريقة، تتحس بالستريس و هاد التوقعات تتأدي لخيبة أمل فالأخير.

🔵شنو الحل؟

الحل هو أنك تقبل بلي كااين كثر من طريقة بااش تشوف أي وضعية و ماتسرعش فالحكم.

⚪نووبتك داباا: فكر فشنو هوما العادات السلبية لي تتمارس؟ ختاار وحدة لي اتخدم بااش تخلص منها هاد الأسبوع.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸