تتحس شي مراات بلي المشاعر ديالك هوما لي متحكمين فيك و مااشي العكس؟ شي مراات فااش تنحسوا بالستريس، الغضب، تنفعلوا و تنخليو المشاعر ديالنا يتحكموا فينا.

و  تنديرو اي حااجة بااش نحبسوا ديك المعركة لي واقعة فراسنا و نرتااحوا شوييا من التفكير لي غالباا تيبداا فااش تنحلوا عينين ديالناا فالصبااح.

و لكن لحسن الحظ، كااين عادات بسااطين لي فااش تاديرهوم تتولي نتا لي محكم فالمشاعر ديالك، و ماتادير تا شي حااجة لي غاادي تندم عليها.

1️⃣العادة الأولى: ركز على الحلول

تيخصنا نشوفوا أي شعور 'سلبي' بحال الغضب ولا الخوف على أنه نتيجة لواحد المشكل لي عدنا، و خاصنا نعطيو 5% من الوقت ديالنا لأننا نحددوا المشكل شنو هو، و 95% من وقتنا لإيجاد الحل.

🔵علااش؟

حيت أي مشكل تيجي باش يعلمنا شي درس، و يلا ماقلبناش على الدرس و فهمنااه، غاادي نبقااو نطيحو فنفس المشكل و نسولوا راسناا "علااش انا ديما تيطراالي هكاا؟" و "علااش ماعنديش اناا الزهر".

🔴فاش تطيح فأي مشكل طبق گااع دااكشي لي شرحناه فلكتاب لحد الٱن بااش تلقى حل. و ماتلومش رااسك ولا تبقى غاارق فالندم.

2️⃣العادة الثانية: طور "إستراتيجيات التكيف"خاصة بيك

كل إنساان عندو شي حاجة تيديرها فااش تيحس بالستريس، لخوف، الإكتئاب و غيرها.

كااين لي تيمشي يااكل، كااين لي تينعس، كااين لي تيتفرج فأفلام، كااين لي تيقلب على بناادم، و كااين لي تيدابز مع اي وااحد لقى بااش يخوي ديك الطاقة السلبية.

هاادوا تيتسماو "إستراتيجيات التكيف" زعما كيفاش نتا تتعامل مع المشكل. و كل إنساان تتلقى عندو شي استراتيجية لي تيديرها بزااف. غي هو تتلقى لكتيير ديال النااس، عندها إستراتيجيات لي إماا تاضرها، ولا ماتتنفع فوالو.

حناا خاصنا العكس، خاصنا نلقاو طرق للتعامل مع المشكل لي تنفعنا.

🔴فكر فشنو هو أكثر شعور سلبي تتحس بيه، الستريس مثلا. و فكر فشي 3 ديال الأمور لي تقدر تدير باش تخلص منو: مثلا، تقرا القرٱن، تخرج تجري، تنفس مزياان، تهضر مع صحاابك، ولا تمشي للطبيعة.

🔴و من داباا للقداام، فااش تحس بالستريس ولا بأي شعور سلبي لي نتا تتعاني منو، دير ديك "الإستراتيجية ديال التكيف" الجديدة لي تنفعك بلااصة لقديمة.

3️⃣العادة الثالثة: المسامحة

كااين شي مراات شي حواايج لي غادي يوقعوا و ماغاديش تفهمهوم. تقدر تلوم رااسك و تغضب حيت وقعوا، تقدر تحاول تلقى شي تفسير لي يريح الباال دياالك، و لكن ماغادي تلقى تا شي جوااب.

مثلا، شي حد كاانت علااقتك بيه مزياانة لسنوات و وااحد اللحظة، قلب عليك و ماعاودش سول فيك، ولا شي انساانة لي تعرفتي عليها و قلتي أنها مختلفة على النااس لي عرفتي فحياتك و لكن صدقات بحالهوم، كفس، ولا تا هي تبدلات عليك.

ايوقعوا لييك بزااف ديال لحوايج لي ماغاديش تفهم لاش وقعوا، و اتبغي تعرف شنو الذنب لي درتي. و بصراحة مانقدرش نقوليك وااش درتي شي خطأ ولا لاا، و لكن لي نقدر نقولك هو أنك خااصك تساامح رااسك فديك اللحظة.

🔴ساامح رااسك و عرف بلي نتا إنساان عادي أنك تخطأ و عاادي انه توقع ليك شي حااجة لي نتا مافاهمش علااش.

🔴 ماتلومش رااسك، و ماتلومش حتى النااس ولا الظروف، فقط دير الثقة ديالك فالله و عرف بلي أي حااجة وقعات ليك، رااه فيها خير.

🔴يقدر ماتباانش ليك فاللول و لكن مع المدة غاادي تأكد منها.

🔵علااش؟

حيت ماحدك مزاال ماسامحتي النااس و رااسك، عمرك ماغادي تختبر السلام الداخلي و الراحة النفسية.

⚪اندوزوا دابا للحديث على 2 ديال المبادئ أساسية للتعامل مع المشاعر السلبية.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸