كااينين شي نااس لي تتلقاهوم ديما فرحانين و ضاحكين، و واخاا تيكون عندهوم مشااكل بحال أي وااحد فهاد الدنياا، ماتيخليوش هاد المشااكل تأثر عليهوم و تيقدروا هوماا يتغلبوا عليها.

و لحااجة لي تتخلي هاد النااس مرتااحين نفسيا هي أنهم طوروا و اكتسبوا مجموعة ديال العادات.

كااين عادات لي تتخليهوم يفهموا و يقبلوا المشاعر ديالهوم مزياان، عادات لي تتساعد على التعبير على هاد المشاعر، عادات لي تتساعدهوم ينظموا المشاعر ديالهوم.

🔵العادات لي اتسااعدك تفهم المشااعر ديالك

1️⃣العادة الأولى: الحضور الذهني

تنسمع شي مراات النااس تيقولو بلي تيكونو فرحاانين حتى تتجيهوم موجة ديال الإكتئاب غي هكااك بلا سبب. فالحقيقة رااه تيكون سبب غي هو الإنساان ماتيحسش بيه.

و لكن الإنساان يقدر يخلي رااسو يتنابه يلا مارس هاد "الحضور الذهني". بإختصاار، حضر عقلك و فااش تحس بالمورال طااح، حااول تعرف شنو هو السبب.

ركز على البيئة ديالك. شنو شفتي ولا سمعتي لي يقدر يكون خلااك تتحس بشي شعور سلبي.

2️⃣العادة الثانية: التسمية

فااش تحس بشي شعور لي غير مريح، جلس مع راسك و فكر مزياان فشنو هو الشعور لي تتحس بيه. و عطيه واحد الإسم مضبوط.

🔵علااش؟

غي فاش تتحبس بااش تعرف رااسك بااش حااس بالضبط، فهادي تتخليك ترتااح واحد الشويا و ماتبقاش مستريسي، و هكاا اتقدر تعاامل مع أي حااجة.

🔴بقا ديماا تسول رااسك بااش أناا تنحس فهاد اللحظة؟ عطيه واحد الإسم. وصفوا: وااش مجهد ولا ضعيف؟ و فينا بلاصة فالجسم تتحس بيه؟

3️⃣العادة الثالثة: القبول

من بعد ماتتسمي هاد الشعور، خااصك تقبلوا.

🔵علااش؟

حيت ماحدك تترفض أي شعور سلبي و تتكدب على رااسك و تتقول بلي ماتتحس بواالو، شحاال ماغادي يكبر و يقوى داك الشعور فلداخل ديالك.

🔴 بداا تلاحظ المشاعر ديالك بلا ماتقول عليها راه خاايبة ولا زوينة. كيماا قلنا من قبل، جميع المشاعر عندها واحد الرسالة لي تتوصل لينا. خود الرساالة فقط بلا ماتقول وااش خايبة ولا زويينة.

4️⃣العادة الرابعة: التعاطف مع نفسك.

صعيبة بزااف أن الإنساان يتعامل مع الإكتئاب و مشاكل غيرها، و الأصعب هو أن الإنساان يلوم راسو على حالتو النفسية.

🔴 فااش تحس بأي شعور سلبي، واخا مايعجبكش، ماتلومش رااسك و عاامل رااسك كيف ماغاادي تعاامل شي صديق.

⚪هادوا أهم العادات لي تدير فالمرحلة لولة باش تفهم المشاعر ديالك و تقبلها، و فالبوسط الجااي اندوزو لكيفااش تعبر على المشاعر ديالك لنااس خرين.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸