عَنْ أَبي ذَرٍّ رضي الله عنه قال: أَنَّ أُنَاسَاً مِنْ أَصحَابِ رَسُولِ اللهِ ﷺ قَالوا للنَّبي ﷺ يَارَسُولَ الله: ذَهَبَ أَهلُ الدثورِ بِالأُجورِ، يُصَلُّوْنَ كَمَا نُصَلِّيْ، وَيَصُوْمُوْنَ كَمَا نَصُوْمُ، وَيَتَصَدَّقُوْنَ بفُضُوْلِ أَمْوَالِهِمْ، قَالَ: (أَوَ لَيْسَ قَدْ جَعَلَ اللهُ لَكُمْ مَا تَصَّدَّقُوْنَ؟ إِنَّ بِكُلِّ تَسْبِيْحَةٍ صَدَقَة.وَكُلِّ تَكْبِيْرَةٍ صَدَقَةً وَكُلِّ تَحْمَيْدَةٍ صَدَقَةً وَكُلِّ تَهْلِيْلَةٍ صَدَقَةٌ وَأَمْرٌ بالِمَعْرُوْفٍ صَدَقَةٌ وَنَهْيٌ عَنْ مُنْكَرٍ صَدَقَةٌ وَفِيْ بُضْعِ أَحَدِكُمْ صَدَقَةٌ قَالُوا: يَا رَسُوْلَ اللهِ أَيَأْتِيْ أَحَدُنَا شَهْوَتَهُ وَيَكُوْنُ لَهُ فِيْهَا أَجْرٌ؟ قَالَ:أَرَأَيْتُمْ لَوْ وَضَعَهَا فَيْ حَرَامٍ أَكَانَ عَلَيْهِ وِزْرٌ؟ فَكَذَلِكَ إِذَا وَضَعَهَا فَي الحَلالِ كَانَ لَهُ أَجْرٌ) رَوَاهُ مُسْلِمٌ

🔵شرح الحديث: 

هاد الحديث تيوضح أن كااين بزااف ديال الطرق باش الإنسان يتصدق و يكتب ليه الأجر. 

مجموعة ديال الصحابة مشااو عند النبي و قالو ليه بلي أهل الدُثور ( أهل المال، أي الأغنياء ) خدااو الأجر كامل، حيت هوما تيصليو و تيصومو، و تيديرو جميع الحسنات لي تيديرو الفقراء من المسلمين و فوق من هاادي زايدين بالصدقة. 

🔴و للإشارة، هنايا الصحابة ماشي جاهوم الحسد و كرهوا أن صحابة ٱخرين يكون عندهوم حسنات كثر. و لكن هادي غبطة: فاش تتشوف شي واحد عندو شي حاجة و تتبغي بحالها بدون حقد ولا أنك تمنى أن الشخص الٱخر يتحرم منها. 

و لكن النبي صلى الله عليه و سلم قالهوم بلي ماشي ضروري حيت الله راه جعل ليكوم بزااف ديال الأمور لي بمثابة الصدقة. و هاد الأمور هي:

1️⃣تكبيرة، أي قول الله أكبر. و 2️⃣تحميدة أي قول الحمد لله. و 3️⃣ تهليلة أي قول لا إلاه إلا الله. و 4️⃣الأمر بالمعروف و النهي عن المنكر تا هو صدقة، و 5️⃣ بضع أحدكم صدقة هي ان الرجل فاش تيجامع الزوجة ديالو تتحسب ليه صدقة. 

و الصحابة على الرغم من أنه مصدقين قول رسول الله إلا و أنهم سولوا واخاا هكااك باش يثبتوا هاد المسألة. و سولوه: واش الرجل ايجامع مرااتو و ايكون عندو الأجر فيها؟ و النبي أكد عليهوم أنه كيما فاش تتزني تتحسب ليك سيئة، حتى فااش تتفرغ الشهوة ديالك فالحلال كما أمرك الله، تيكون عندك أجر فيها. 

و للإشارة أنه كاين أمور مختلفة لي تعتبر صدقة فالإسلام و ماجاتش فهاد الحديث، مثلا: التبسم في وجه المسلم صدقة، إماطة الأذى صدقة، نفقة الرجل على أهله صدقة و غيرها من الأمور. 

انتهى، ملخص من شرح إبن عثيمين، الإمام النووي، الإمام إبن دقيق العيد، و موقع إسلام ويب.

موعدنا غدا مع الحديث السادس و العشرون إن شاء الله.

دخل لهناا باش تقرى شرح الحديث الرابع و العشرون "فضل الله على الناس" 👇👇

الحديث الرابع و العشرون من فضل الله على الناس (growbdarija.com)

بييييس ✌️