كيما كااين إختلاافات فكيفاش الدراري و لبنات تيحسوا بالمشاعر فالداخل ديالهوم، كااين إختلافات فكيفااش تيبينوا و تيعبروا على المشاعر.

و أهم هاد الإختلافات هي:

1️⃣الضغط و العادات الإجتماعية: بالنسبة للرجل، كااين واحد الضغط إجتماعي لي تيفرض على الرجل أنه يبان قوي و تا حاجة ماتتأثر ليه. لهذا الرجال بصفة عامة تيكبتوا المشاعر ديالهوم باش مايبينوش الضعف.

على عكس لبنات، لي فالثقافة ديالنا مسموح ليهوم باش يعبروا على جميع المشاعر ديالهوم و تتربى فيهوم واحد التعاطف أكبر و قدرة على أنهم يحسوا بمشاعر النااس لوخرين.

2️⃣طرق التعبير على المشاعر بالنسبة للرجل: حيت الرجال فالثقافة ديالنا غير مسموح ليهوم أنه يهضروا على المشاعر و يقولو شنو ضارهوم، تيلجؤوا للتعبير على المشاعر ديالهوم بأمور و أفعال.

شنو تنقصد بأمور؟

مثلا، الرااجل يلا كان غضبان يقدر يهرس شي حاجة، يداابز، يدير الرياضة، و يقدر يلجئ للعنف بااش يخرج داك الغضب. و ماشي بالضرورة هاد التعبير يكون داخل فيه العنف.

يلا كان الشعور لي إيجابي بحال السعادة، فديك الحالة الراجل ايعبر عن طريق أفعال بحال: يقدم مساعدات للنااس، يعطي كاادو، ضحك، ولا يماارس شي هواية.

أولا، يقدر ينعزل على الناس و يحاول يحل المشكل بوحدوا.

3️⃣طرق التعبير على المشاعر بالنسبة للمرأة: بطبيعة الحال ممكن أن المرأة تقوم بأفعال باش تعبر على المشاعر ديالها، و لكن فالغالب المرأة تتميل للتعبير الشفوي.

لبنات تيعبروا على المشاعر ديالهوم إيجابية ولا سلبية بالحديث مع الناس لي قراب ليهوم، و الهدف من هاد الحديث هو أنهم يلقاو شي حد لي يسمع ليهوم و يأكد بلي داكشي لي تيحسو بيه منطقي و يطمأنهوم انه من حقهوم يشعروا بداك الإحساس.

على عكس الرجل، تقدر المرأة أنها گااع ماتحل المشكل و لكن تحسن حالتها النفسية، حيت المهم بالنسبة ليها هو التواصل، تشارك حياتها مع الناس و تلقى لي يفهمها.

🔴بطبيعة الحال كيما قلت من قبل، هادشي هو تعميم و ممكن أن أي بنت أو دري يقرا هادشي و يلقى بلي راه تينطبق عليه مواصفات الجنس الٱخر.

⚪و أندوزوا داباا لكيفاش هاد الإختلافات تتأثر على العلاقة ما بين الرجل و المرأة.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸