عَنْ أَبي هُرَيرَة رضي الله عنه عَنِ النبي ﷺ قَالَ: (مَنْ نَفَّسَ عَنْ مُؤمِن كُربَةً مِن كُرَبِ الدُّنيَا نَفَّسَ اللهُ عَنهُ كُربَةً مِنْ كرَبِ يَوم القيامَةِ، وَمَنْ يَسَّرَ على مُعسرٍ يَسَّرَ الله عَلَيهِ في الدُّنيَا والآخِرَة، وَمَنْ سَتَرَ مُسلِمَاً سَتَرَهُ الله في الدُّنيَا وَالآخِرَة، وَاللهُ في عَونِ العَبدِ مَا كَانَ العَبدُ في عَونِ أخيهِ، وَمَنْ سَلَكَ طَريقَاً يَلتَمِسُ فيهِ عِلمَاً سَهَّلَ اللهُ لهُ بِهِ طَريقَاً إِلَى الجَنَّةِ، وَمَا اجتَمَعَ قَومٌ في بَيتٍ مِنْ بيوتِ اللهِ يَتلونَ كِتابِ اللهِ وَيتَدارَسونهَ بَينَهُم إِلا نَزَلَت عَلَيهُم السَّكينَة وَغَشيَتهم الرَّحمَة وحَفَتهُمُ المَلائِكة وَذَكَرهُم اللهُ فيمَن عِندَهُ،وَمَنْ بَطَّأ بِهِ عَمَلُهُ لَمْ يُسْرِعْ بهِ نَسَبُهُ) رواه مسلم بهذا اللفظ. 

🔵شرح الحديث:

هاد الحديث شامل لمجموعة من الأخلاق للمسلم و فوائد من ضمنها:

1️⃣الإنسان خاصوا يساعد أخيه المسلم و يعانوا على حسب الإستطاعة ديالو طبعا. و لي نفس على مؤمن كربة ( أي شدة و ضيق و مشكل لي يقدر يكون متعلق بالمال، الصحة، النفس و غيرها ) الله ايرفع عليه كربة يوم القيامة لي هي أشد. و لي يسر على إنسان لي مزير، الله تيسر ليه حياتو فالدنيا و الٱخرة. 

2️⃣ثانيا، الإنسان خاصوا يستر أخيه المسلم. و تقدر تستر شي عيب لي يكون فالخِلقة ديالو، أو الأخلاق، أو في امور الدين أو الدنيا. و فالمقابل، الله غادي يستر عيوبك في الدنيا و الٱخرة. 

3️⃣ثالثا، الله غاادي يعاون الإنسان مادام الشخص تيعاون أخيه المسلم. على قدر الكمية، و الكيفية و المدة لي. نتا تتعاون بيها شي شخص، الله أيعااونك و غاادي يسر ليك أمورك. و فحديث ٱخر ( من كان في حاجة أخيه كان الله في حاجته ). 

4️⃣ رابعا، الإنسان يلا بحث على الدين و توكل على الله و بغا يتعلموا، الله تيسر ليه طريق لي يدخل بيها للجنة لأن الإنسان فاش تيتعلم الشريعة عاد تيقدر يعبد الله حق عبادته و يوصل لتقوى الله. 

5️⃣خامسا، يلا مجموعة من المسلمين تجمعوا فبيت الله لي هو المسجد، على قراءة القرٱن، الفهم ديالو، و الدراسة ديالو، الله تينزل عليهوم الرحمة و السكينة، الملائكة تتدور عليهوم و الله تيذكرهم أمام الملائكة. 

6️⃣و فالأخير، فعلاقتنا مع الله، الحاجة الوحيدة لي اتزيد بيك القداام هي العمل ديالك. و يلا العمل ديالك مازاادش بيك القداام، النسب ديالك و أمواالك، و أي حااجة خراا ماغاديش تنفعك. 

انتهى، ملخص من شرح إبن عثيمين، الإمام النووي، الإمام إبن دقيق العيد، و موقع إسلام ويب.

موعدنا غدا مع الحديث السابع و الثلاثون إن شاء الله.

دخل لهناا باش تقرى شرح الحديث الخامس و الثلاثون "المسلمون إخوة" 👇👇

بييييس ✌️