كااين واحد لكتااب زويين مشهور سميتو "الرجال من المريخ؛ النساء من الزهرة" ديال "John Gray".

و فهاد لكتااب، الكاتب تيوصف الرجال على أنهم كائنات من المريخ لي واحد النهار بالصدفة عرفوا بلي كاين واحد الكائنات من كوكب الزهرة و مشاو لعندهوم زاروهوم و تعجبوا ببعضياتهوم.

فاللول، بغااو بعضياتهوم و حيت عارفين بلي كل واحد من كوكب مختلف، توقعوا بلي ايكون واحد الإختلافات و تقبلوهوم و ماخلاوش هاد الإختلافات تأثر على علاقتهوم.

بقااو عايشيين فسلام واحد المدة، حتى لواحد النهاار لي قرروا أنهم يستقروا فكوكب الأرض. و تما بدات المشاكل بيناتهوم لأسباب مختلفة.

1️⃣ أولا، المشاكل بدات حيت نسااو بلي هوما كائنات مختلفة من كواكب مختلفة. و ولاو تيتوقعوا أن الشخص الٱخر خاصوا يتصرف بحالهوم.

2️⃣ ثانيا، فااش الطرف الٱخر ماتيتصرفش بحالهوم، عتابروا أن داك الشخص غاالط و فيه شي مشكل.

3️⃣ ثالثا، الرجال و لعيالات مابقاوش تياخدوا بعين الإعتبار الإختلافات لي كاينة بيناتهوم، و مابقااوش تيعبروا على الحب و التفاهم للطرف الٱخر باللغة لي تيفهم بيها، و هادشي خلاا الطرفين بجوج يوصلوا لإستنتاج أن الشخص الٱخر مابقااش تيبيغيهوم.

4️⃣ و فااش مابقااوش الطرفين تيعرفوا كيفااش يعبروا على الحب بطريقة لي الشخص الٱخر غاادي يحس بيها، استسلموا و مابقااوش عاطيين للعلاقة أولوية.

و هاادشي لي تيوقع فاش الرجال و لعيالات تينسااو بلي حنا مختلفين على بعضياتنا.

⚪و لكن فالبوسط الجااي، غاادي نشوفوا كيفااش نفهموا هاد الإختلافات النفسية و نحسنوا العلاقات ديالنا.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بيييييس ✌️🐸