الإختلاف شيء طبيعي و متوقع، المشكل هو فاش تنشوفوا هاد الإختلاف على أنه مشكل و عقبة فالطريق، و ماتنشوفوهش كفرصة باش نطوروا راسنا، نفهموا الطرف الٱخر، و نحسنوا علاقتنا.

يلا بغينا أن هاد الإختلاف ما يكونش سبب بااش تنتهي العلاقة ولا باش تدهور، يمكن ليينا نتبعوا هاد النصائح:

1️⃣ نقراو هاد الإختلافات و نوعاو بيها: كيما قلنا قبل، فاش الرجال كانو عارفين بلي النساء من كوكب اخر (و العكس صحيح) ماكانوش مشااكل، حيت كل طرف عاارف بلي الإختلافات أتكون و متقبلها.

🔴لذلك، حنى خاصنا نقراو و نعرفوا الإختلافات لي كاينا بيناتنا، اما نقرواها من هاد لكتااب ولا من مصادر أخرى.

2️⃣التواصل: واخا تقرا على الإختلافات ما بين الرجل و المرأة و تحاول تفهم المرأة من الكتب، ولا تحاولي تفهمي الرجل من الكتب، تيبقى داك الشخص لي حنا معاه فعلاقة مختلف.

🔴لذلك، بااش نفهموه مزياان و نحسنوا علاقتنا بيه خاصنا نتواصلوا معاه و نحاولوا نفهموم كشخص، و هادشي بالطبع تيجي من الحوار.

3️⃣نستموا للشخص الٱخر بشكل سليم: غالباا فااش تنكونوا تنهضروا مع الناس، تنسمعوا ليهوم و تنسااينوا إمتا تجي نوبتنا فلهضرة بااش نجاوبوهوم فقط.

و لكن الإستماع الحقيقي، هو فاش تتحاول تفهم الإنسان و تحط راسك بلاصتو.

🔴لذلك، لمرة الجاية فاش تسمع لشخص، خوي رااسك من أي فكرة و ماتحكمش على داكشي لي تيقول واش صحيح ولا غالط، فقط حااول تفهموا.

4️⃣التواصل الواعي: فااش يكون الوقت ديالك باش تجاوب، خاصك تنتابه من أنك تجاوب بشي طريقة لي تخلي الوضع أسوء.

مثلا، لبنت فاش تتعاود ليك مشكل، تتبغي انك تسمع ليها، و ماتنقصش من قيمة داكشي لي قالت ليك ولا تيبينو راه تاافه. شي مراات تنديرو هادشي بلا مانقصدوا، تنبغيو نبينو بلي هادشي راه سااهل و دغياا لبنت تجاوزوا و تنعطيو حل.

حناا تنديرو هادشي بااش نبينو للشخص رااه المشكل بسيط و نشجعو لبنت و نعاونها باش تحلوا. و لكن فداك اللحظة، لبنت بااغا لي يحس بيها و يفهمها أولا، عااد يقدم الحل يلا طلباتو.

5️ نبنيو الذكاء العاطفي ديالنا: و ديماا نقرااو و نوعيو راسنا كثر و نبنييو ذكاء عاطفي ديالنا.

هاادشي غاادي يساعدنا أن حناا نجحوا فعلاقتنا مع النااس فحياتنا الشخصية و المهنية.

🔴قلتها و نعاودها: الإختلافات ما بين الجنسين موجودة، و لكن ماشي بالضرورة ان هادشي لي قلت غادي ينطبق على جميع لبنات ولا دراري بنسبة 100٪.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸