عمرك تمنيتي أنك تفهم رااسك كتر؟

يلا تتعاني من مشااكل نفسية بحال الإكتئاب، القلق، الستريس، الغضب، الشعور بالوحدة، و غيرها، و ماتتفهمش رااسك فبزااف دالأوقات و بااغي تخلص من هادشي كاامل، تكون مرتااح، تاايق فراسك، و سعيد و لو مرة فحيااتك، كمل لقرااية 👇👇

أنا شغووف و مهتم بزااف بالصحة النفسية و أني نلقى طرق باش نفهم رااسي كتر، نكون سعيد، تاايق فراسي، و مرتااح فحياتي، و أني نشااركها معاكوم. 

هادي تقريبا 3 ديال السنوات و أنا تنشاارك معاكوم أهم الأفكار و الطرق باش تجاوزوا المشاعر السلبية و تغلبوا على  مختلف المشاكل النفسية. 

و لكن هاد المرة غادي نمشيو فإتجاه مغاير. بلااصة ماغادي نبقى نشارك معاهوم نصائح مباشرة، غادي نشارك معاكوم إقتراحات لأحسن الكتب فمجال الصحة النفسية و ملخصات عليها، و عددها غادي يفوق 50 كتاب. 

هاد الكتب غاادي تعالج مختلف المشاكل النفسية: إكتئاب، قلق، ستريس، مشاعر سلبية، أفكار إنتحا*رية، تجاوز صدمات الطفولة، تعامل مع وفاة الأهل و الأصدقاء، تقلبات مزاجية ... و أي حااجة لي ممكن تواجهوها و تعانيو منها فحياتكوم. 

هاادشي انديرو حيت تنٱمن بمسألة أنه من الأحسن تعلم إنسان كيفاش يصطاد سمكة على أنك تعطيهالو واجدة. هاد الكتب غادي يخليوك قادر انك تعالج مشاكلك النفسية ( و ديال الناس لي تتعرف) بلا أدوية ولا طبيب نفساني و بسرعة. 

و بغض النظر على المشكل لي عندك، وااحد من هاد لكتوبة لي غادي نشر، غااادي ينفعك. ❤️

نتلاقاو يوم الإثنين مع أول كتااب و رحلة جديدة. 

بييييس ✌️🐸