🔴فدااخل كل واحد فينا كاين واحد الأجزااء مختلفة. كااين واحد الطفل صغيير لي تيبغي يلعب، كااين واحد الطفل لي تيخااف دغياا، كااين وااحد الشخص لي تاايق فرااسو و قاادر يدير أي حااجة، كااين واحد المحاارب لي مستعد يتقااتل على الأهداف ديالو. 

هاد الأجزاء تتكون فالماضي، فالطفولة ديالنا، و عاادي أنه يكون عدنا أجزاء مختلفة فالشخصية ديالناا ماداام تتنفعنا. و لكن المشكل هو يلا كاان عدناا شي أجزاء لي مجروحة فالطفولة. 

يمكن كنتي صغير و كنتي باغي تلعب مع واليديك، و لكن هوما غوتو علييك، و من ديك السااعة و نتا تتخاف أنك تضحك مع النااس حيت تتحس بلي يلا ضحكتي مع الناس غاادي يغوتوا عليك كيما وقع شحال هاادي. و واخاا تكون هادي فكرة لي ماشي منطقيا و نتاا عارفها ماشي منطقية، و لكن تتبقى تأثر عليك واخا هكااك. 

🔵علااش خااصك تقرا هاد لكتااب؟

هااد لكتااب "Self-Therapy" ديال 'Jay Earley' غاادي يعاونكوم تشفيو  الطفل الداخلي و تخلصوا من أي جروح لي يمكن تعرضتوا ليها فالطفولة و تعيشوا حياتكم بحرية كبيرة. 

🟠أهم 3 ديال الأفكار من هاد لكتااب

1️⃣ هاد لكتاب تيخدم و تيشرح واحد العلاج نفسي سميتو "Internal Family Systems" و تيشوف أن العقل ديالنا تينقسم لأجزاء مختلفة. كل جزء تيكون عندو جرح و ألم مختلف و كل جزء تيخاصنا نعالجوه بطريقة. 

2️⃣ الأجزاء لي عدنا تتنقسم ل 3 ديال الأنواع: جزء منفي تيكون هو لي تعرض للألم. بحال الطفل لي غوتوا عليه واليديه فاش بغا يلعب معاهوم. هاد الجزء ايولي عندو جرح متعلق بالحب و العلاقات. 

جزء تيحمي الجزء المنفي و تيبعدوا على أي حاجة لي ممكن تسبب ليه الألم. فالمثال لي قلت غادي يكون جزء لي تيبعدك على العلاقات و تيقنعك ديما بلي الناس مامزيانينش باش ماتعاودش تجرح. 

جزء تيطفي الحريق: هاد الجزء تيتدخل فاش تتكون ماسمعتيش للجزء لي تيحميك و درتي داكشي لي فبالك. يلا مثلا ماسمعتيش لداك الجزء لي تيقولك بعد من العلاقات و مشيتي هضرتي مع شي وحدة و قمعاتك، داك الجزء لي تيطفي الحريق غادي يخليك تنوض تااكل، تفرج فالأفلام، تغوت، و تدير أي حااجة بااش دااك الحريق ( الألم ) لي حسيتي بيه يطفى. 

3️⃣ خاصنا نعرفوا بأن هاد الأجزاء لي فينا حتى لي تتخلينا نتصرفوا بشي طريقة لي مامزيااناش، راه عندها واحد الدور و نية إيجابية. 

مثلاا، الجزء لي تيبغي يبعدك على العلاقات، مااشي بغاك تبقى بوحدك هي خاايف عليك لا تأدى. الجزء لي تيغضب دغياا و تيقطع علاقتوا بالنااس، تيدير هكاا هي باش مايخلي تا واحد يجرحك. الجزء لي تيخليك تتااكل بزااف، ماشي بغاا يضرك فصحتك، هي مابغااكش تبقى تفكر فشي مشكل لي عندك. 

🟢نصيحة عملية لي يمكن طبقوها داباا

عطي لرااسك واحد الوقت لي مادير فيه واالو، و حااول تواصل مع الأجزاء المختلفة لي فيك. اتباان ليك غريبة و لكن غي حاول تواصل معاهوم بحاال يلا راهوم كائنات مستقلة عليك. 

و الجزء لي جاوبك، حاول تعرف عليه. سولوا على سميتو، إمتا تخلق، شنو الدور ديالو، و شنو محتااج منك داباا. 

ويلا بغيتي أنك تفهم رااسك بشكل كبيير و تعاالج جروح الطفولة، دخل لهاد الليان و طيليشاارجي هاد لكتااب باش تحرر من الماضي 👇👇

https://drive.google.com/self-therapy

و بارطااجي هاد لبوسط مع صحاابك 😌

بييييس ✌️🐸