🔴 أي إنساان لي دااز من شي مشكل كبير لي حس فيه بالخطر تيتصااب بواحد المشكل نفسي تيتسمى PTSD لي هي ٱثار ما بعد الصدمة. 

بحاال شي بنت تعرضات للإغتصاب، إنساان هجموا عليه مجموعة دالناس، طفل تعنف الطفولة، إنسان دار كسيدة، الحرب، شي مرض قاتل، ولا شي حادثة طبيعية بحاال زلزال مثلا. 

لي داز من بحال هاد الحوادث ممكن انه يتصااب بهاد PTSD لي هي بإختصار أن الإنساان تعرض لصدمة كبيرة بزااف، تيبقى عايشها واخا دازت. تيبقى إنساان تيحلم بهاد لحوايج لي وقعوا ليه و ماتيبقااش حااس بالراحة لا فالجسم ديالو ولا فالأماكن لي وقعوا فيه الحوادث. 

🔵علااش خااصك تقرا هاد لكتااب؟

كتااب "The Body keeps the score" تيشرح هاد المسألة بتفصيل كبير. تيشرح كيفااش الصدمات تيأثروا على الدماغ، التفكير، المشاعر، و حتى الجسم. و تيعطي مجموعة ديال أنواع العلاج النفسي لي متقدمة و تقدر تباان ليكوم غريبة بزااف و لكن تتنفع و مثبتة علميا. 

🟠أهم 3 ديال الأفكار من هاد لكتااب

1️⃣ كاين علاقة ما بين العقل و الجسم ديالنا. فاش شي صدمة نفسية وقعات لينا تنحسوا بيها فالجسم. داكشي علااش أمور بحال اليوغا و الرياضة لي تتخلي الإنسان يقوي الجسم ديالو تتنقص من داك الصدمة لاحقاش الإنساان تيرجع يحس بالراحة فالجسم ديالو و تتبع ديك الراحة واحد الطمأنينة فالقلب و العقل. 

2️⃣ الإنساان لي تيدوز من صدمة بحال لي ذكرت فاللول تيتخربق عندو الإحساس بالوقت. بالنسبة لينا حنا، ديك الحادثة وقعات فالماضي و لكن الإنسان فدماغو تيختبرها كل نهاار بحال يلا جديدة. 

 3️⃣كما قلت الكتااب تيشرح مجموعة من العلاجات النفسية 'الغريبة' بحاال EDMR, neurofeedback, internal family systems & Yoga. و تيركز على أهمية أن الإنسان يدير أي حاجة بااش يحس بالقوة و يرجع متحكم فحيااتو. 

🟢نصيحة عملية لي يمكن طبقوها داباا

كل نهاار ركزوا على التنفس ديالكوم. التنفس خاصوا يكون عميق. تنفس من الأنف ديالك لواحد 2 ثواني، و خلي الهواء فصدرك شوييا و عاد خرج الهواء من الفم ديالك. 

هاد التمرين البسيط غاادي يعاونك ترخى و تنقص من الستريس. 

يلا تعرضتي لأي صدمة فحيااتك لي خلااتك تاالف و ماعاارفش كيفااش تجااوزها، دخل لهاد الليان و طيليشاارجي هاد لكتااب بااش تغلب عليها و تسترجع حيااتك 👇👇

https://drive.google.com/the-body-keeps-the-score

و بارطااجي هاد لبوسط مع صحاابك 😌

بييييس ✌️🐸