🔴 شي مرات حنا تنكونوا أسوء عدو ديال ريوسنا. تنبقااو نتاقدوا راسنا، و نشككوا فأي خطوة لي غاادي نديروها، تنستسلموا لأفكاارنا السلبية، و شي مراات تنبقااو نتصرفوا بلا مانفكروا. نقدروا نديرو ولا نقولو شي حااجة لي ندمو علييها من بعد. 

هادشي كولو سبابو العقل ديالنا لي تنخليوه يتحكم فينا. و تيحرمناا من ان حناا نكونوا فرحانين، تايقين فراسناا، و نعيشوا الحيااة كيف بغيناا. 

🔵علااش خااصك تقرا هاد لكتااب؟

كتااب "The Chimp Paradox" تيعطي واحد البرنامج لكيفااش نتحكموا فالعقل ديالناا، و نفهموا داك الجزء لي تيخلينا نتسرعوا فالقرارات و التصرفات ديالنا. 

يلا فاات ليك شي مرة درتي شي حااجة و بالزربة قلتي 'اش دااني ندييرها' هااد لكتااب غاادي يعطيك الحل باش ماتبقااش تسرع، دير لحااجة ليوم و تندم عليها غداا. 

🟠أهم 3 ديال الأفكار من هاد لكتااب

1️⃣ أول فكرة فهاد لكتاب هي أنه حنا عدنا واحد الجزء فدماغنا دااير بحال شي قرد، سااهل أنك تلفوا و تيبقى غي ينقز. خااصنا بعداا نفهموا هاد الجزء مناا و عاد ديك السااعة انقدروا نتحكموا فيه. 

2️⃣ من ضمن لحواايج لي ايخليوك تسيطر على هاد القرد/العقل لي عندك هو تعلم كيفااش تخلص من أفكارك السلبية، تطبق الحضور الذهني، و تدير  واحد الروتين يومي فحيااتك. 

3️⃣ كااين أجزاء أخرى فالعقل ديالنا: جزء لي مسؤول على المشاعر، و جزء لي مسؤول على المعتقدات ديالنا فالحياة. تا هادو مهم ان حناا نعرفوها باش ديما نتأكدوا انهم تيخدموا باش يعاونونا ماشي يخرجوا علينا. 

🟢نصيحة عملية لي يمكن طبقوها داباا

فااش عقلك يبداا يحمقك و يقولك سير دير هااد لحااجة ( و نتاا عاارف بلي راك اتندم فاللخر ولا غي تكون مامرتااحش ليها) عطيه شي بناانة ... زعماا عطيه شي حااجة فين يتلهى مؤقتا و مايبقااش محمقك بالتفكير. 

مثلا، تفرج فشي فيلم، تهضر مع شي حد اخور، تشري شي حااجة ديال لمااكلة. هاادشي اديرو بااش تبعد تفكيرك شوييا على شي حااجة لي غادي دير، و من بعد رجع و فكر فيهاا فاش داك الجزء دعقلك ( القرد ) يكون سكت شوييا. 

فااش تتأجل مسألة انك تااخد شي قراار، غالباا تتقدر تاخد القرار الصحيح و تادير شي حااجة لي ماغاديش تندم عليها. 

يلا بغيتي نصاائح كتر على كيفااش تحكم فعقلك و ماتسمعش لدوك الأفكاار ديالو، دخل لهاد الليان و طيليشاارجي هاد لكتااب 👇👇

https://drive.google.com/the-chimp-paradox

و بارطااجي هاد لبوسط مع صحاابك 😌

بييييس ✌️🐸