🔴 وينستون تشرتشل قال بأن النجاح هو القدرة على أن حناا ندوزوا من فشل لفشل اخور بلا مانفقدوا الحماس ديالنا. 

 كلنا تنتعرضوا للفشل مرة مرة و تنحسوا بالحزن فاش  شي حااجة لي باغيينها ماتتحققش. و لكن كااين لي من بعد مدة تيرجع و تيعاود يجرب، و كااين لي دغياا تيستلم.

و يلا كناا باغيين نجحوا فحياتناا، خاصنا نتعلموا أن حناا نتقاتلوا و نجربوا على الأقل مرة ثاانية من بعد الفشل. 

🔵علااش خااصك تقرا هاد لكتااب؟

كتااب "The Undefeated Mind" تيعطيك مجموعة ديال النصائح بااش تطور وااحد العقل قوي و صلابة نفسية لي اتخليك واخا تفشل فشي حااجة تعاود تجرب و اتولي قادر تجاوز أي صعوبة. بطبيعة الحاال غاادي يبقى فيك الحاال من بعد ماتفشل واخا تقراا لكتااب، و لكن اتولي قاادر انك تجاوزوا بسرعة كبيرة. 

🟠أهم 3 ديال الأفكار من هاد لكتااب

1️⃣ أولا، هاد الصلابة النفسية ماشي هي شي حاجة لي تتولد بيها و صافي. و لكن هي مهارة لي يمكن لأي وااحد يطورها شويا بشويا

2️⃣ الإنسان خاص يكون عندو واحد الهدف قوي باش يتغلب على الخوف من الفشل. يلا كنتي تاطريني مثلا غي بااش تباان واعر فالبحر و طيح لبناات، فهاد السبب ماغاديش يخليك تهتم بصحتك ديما، غير ايدوز الصيف اتنساها ولا حتى فوسط الصيف ايباان ليك بلي الهدف ديالك تاافه. 

و لكن يلا كنتي تاطريني بااش تعيش لمدة طويلة ( 130 عام مثلا ) تلعب مع لحفاايد ديالك، تعيش حياتك كاملة بلا عكااز، ماتصاابش بالأمراض المزمنة بحاال القلب، السكري، السرطان و غيرهاا، فهاد الحاالة واخا يدوز الصيف اتهلا فصحتك، واخا يكون فيك لعگز، اتنوض تطريني بااش تحقق هاد الهدف لي مهم. 

3️⃣ ثالثا، خاصنا نبدلوا البرمجة ديال دماغنا. دوك الافكار لقديمة لي عدنا ديال يلا فشلت ايضحكوا علييا خاصهاا تحيد. و بلاصتهاا تولي الفشل هو فرصة فين نتعلم و نطور رااسي. 

🟢نصيحة عملية لي يمكن طبقوها داباا

سول رااسك شنو هو الفشل بالنسبة ليك داباا؟ واش هو انك نتا مكلخ، عمرك غادي طفروا، إشارة لأنك نااقص؟ شنو هو التعريف لقديم ديالك للفشل؟ 

و شنو هو تعريف جديد لي ممكن ديرو؟ مثلاا، الفشل هو وسيلة باش نتعلم. الفشل تيعني أنني أنا إنساان وااعر لي تيتقاتل باش يدير شي حااجة فحيااتو. 

ويلاا بغيتي تعرف كتر كيفااش تولي عندك شخصية قوية لي الفشل ماتيأثرش فيها، دخل لهاد الليان و طيليشاارجي هاد لكتااب 👇👇

https://drive.google.com/the-undefeated-mind

و بارطااجي هاد لبوسط مع صحاابك 😌

بييييس ✌️🐸