🔴 فالغالب أي إنسان لي تيتعرض للإكتئاب ولا شي مرض نفسي تيفكر فجوج حوايج: إما الأدوية ولا طبيب نفساني. 

و الأدوية مامزيانينش لاحقااش عندهوم أعراض جاانبية كثيرة زائد أنهم ماتيعالجوش المشكل لي سبب ليك الإكتئاب، غي تيخليوك تنسااه و تينقصوا من الأعراض فأحسن الأحوال. 

أما طبيب نفسي فهو إختياار لي حسن بزاااف مقارنة مع الأدوية، و لكن تا هو عندو سلبيات: مشكل ديال لفلوس، مشكل أنه صعيب تلقى طبيب نفساني لي تفاهم معاه و الطريقة ديالو تخدم ليك، تيركز على المااضي بزااف و تيخليك ديما معتمد على الطبيب النفساني و تتحس بلي يلا حبستي الحصص غادي ترجع اللور فأي وقت. 

🔵علااش خااصك تقرا هاد لكتااب؟

كااين اختياار و بديل ثالت لي هو تقرا كتاب "Undoing Depression" لي ايخليك تعتمد على راسك فرحلة العلاج من الإكتئاب. هااد لكتااب غاادي يكون شاامل لأي مشكل عندك و شاامل حتى فالطريقة ديال محاربة الإكتئاب. ايخليك تكون قاادر تخلص من الإكتئاب رااسك بسرعة و تعاون حتى الناس فحيااتك انهم يكونوا مرتااحين فحياتهوم. 

🟠أهم 3 ديال الأفكار من هاد لكتااب

1️⃣ أولاا، لكتااب تيشرح شنو هو الإكتئاب، الأسباب ديالو، كيفااش تيأثر على التفكير و الجسم. 

2️⃣ ثانيا، لكتااب تيعطي حلول مختلفة على حسب كل حالة و سبب لي خلااك تعرض للإكتئاب، و يعاونط تغير تفكيرك و العادات ديالك. 

3️⃣ ثالثاا، تيركز على الإهتمام بالنفس. خاصنا نتهلااو فراسنا و نعطيو لراسنا وقت لي نرتاحوا فيها من الستريس و المشااكل، نشريو لراسنا لماكلة لي تتعجبنا، نخرجوا نتسارااو، نبعدوا على لحاجة لي تقلقنا. خاصنا نهتموا براسنا كيماا انهتموا بشي شخص لي تنبغيو و تنخاافوا عليه. 

🟢نصيحة عملية لي يمكن طبقوها داباا

كون ظرييف مع رااسك: فاش ترتكب شي خطأ ولا تلقى رااسك مضغوط بالخدمة وبالمشااكل، حبس واحد شوييا و تخاايل شي حد عزيز عليك فداك الموقف. 

كيفااش غادي تعاملوا و شنو غادي تقولوا؟ غالباا اتقوليه رتااح من لخدمة، بدل الجو، حااول على رااسك. 

هادشي ديروا مع نفسك و عامل راسك بنفس الحب لي اتعاامل بيه شخص اخوور. 

يلاا بغيتي تخلص من الإكتئاب بلا مسااعدة لا من أدوية ولا طبيب نفسااني دخل لهاد الليان و طيليشاارجي هاد لكتااب 👇👇

https://drive.google.com/undoing-depression

و بارطااجي هاد لبوسط مع صحاابك😌

بييييس ✌️🐸