كااين بزااف ديال الكتب المتوفرة، و الوقت ماتيسمحش بأنك تقرااهوم كاملين، تيخصك ضروري تختاار، و بااش تختاار خااصك تعرف إناا كتااب لي حسن و يستحق الوقت دياالك. صوو، هاادوا هوما بعض الأمور لي تدير بااش تلقى كتااب لي ماغااديش تندم يلا قريتيه:

4️⃣ بحث فالمؤلف ديال لكتااب: شوف وااش المؤلف عندو خبرة فداك المجاال. وااش هذاا إنساان لي حاازق ماعندو حتى درهم و بااغي يعلمك تكون رجل أعماال نااجح و دير لفلوس؟ خااص الشخص لي تعلم منو أي حااجة يكون ديجاا حقق دااكشي من قبل، و إلاا الهضرة دياالو واخاا تباالك زويينة و منطقية أتكون بدون قيمة.

5️⃣ شوف الفهرس و المقدمة: من خلاال المقدمة و الفهرس غاادي تعرف شنو كااين فلكتااب، وااش داكشي هو لي نتاا بااغي ولا لاا. وااش مشوق ولا وااش عملي.

6️⃣ ماتحگرش الكتب لي مامعروفااش: بااش كتااب يكون نااجح و معروف، ماكاافيش أن الكااتب يكون متخصص فداك المجاال؛ خااصوا يكون تيعرف حتى لماركوتينغ بااش ينتشر كتاابو، و لكن مااشي كلشي تيفهم فيه أو تيرتااح ليه. دااكشي علااش، ماتختاارش غي الكتب المشهورة فقط، بحث و قلب حتى فكتب لي ماتيهضروش عليها النااس بزااف. تنلقى بزااف ديال الكتب لي نوعا ما نادراا و لكن حسن بزااف من الكتب المشهورة.

7️⃣ قلب على الطبعات الجديدة: ممكن يكون شي كتااب تصاايب ف 2001 مثلاا، و لكن الكااتب داار نسخة جديدة ف 2010 ولا 2022. ديماا قلب على وااش كااين شي نسخة أو طبعة جديدة عااد خرجاات.