مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة   

1️⃣ تقديم:

تخاايل عندك شي إمتحاان ديال الباك، موديل ادوزوا فلافااك، ولا يمكن ادوز كونكور بااش تخدم فالتعليم، التمريض، العسكر، البوليس ولا شي قطااع ٱخوور. واليديك غاادي يكونوا محمقيينك وااش تتوجد، إمتاا غاادي دوز، لااش هااز داك لمشقوف، سير حطو و قراا، شوف ولد خاالك راه قراا و داار و داار ... غاادي يكون بالهوم مشغول معااك.

و حتى نتاا باالك غاادي يكون مشغول مع رااسك. أتكوون مخلوع لا تسقط، لا مادوزش فهااد لكونكور، اتخااف لا يضيع ليك عاام كاامل من حيااتك و مادير فيه واالو. و ممكن تكون تتفكر حتى فالعائلة لي اتشفاا فيك يلا مانجحتيش. داباا يلاا تجمع عليك هاادشي كاامل: لخلعة ديال الإمتحان، واليديك لي باغيين ليك الخير و لكن زايدين عليك الهم، الستريس دياالك، و النظرة ديال الناس و المجتمع ليك ... وااش غاادي تكون جاالس، ضااحك، مرتااح، و ضاارب الدنياا بركلة؟

بطبيعة الحاال .... لااا. غاادي تكون مستريسي، ماعندكش الشهية، ماتتاكلش مزياان، ولا تتااكل نهاار كاامل و واخا هكااك ماتتشبعش، اتحس بالضغط، رااسك ايبقى يضرك، ماغااديش تقدر تركز مع اي حااجة، اتكون هي تاالف النهاار كاامل، لموراال ديالك تيتبدل و تتصعر على واالو. و فالغاالب ايجي الليل، ماغاديش يديك النعااس، اتبقى حاال عينيك تتفكر فالستريس و الخدمة لي تابعاك. و يلا كان عندك الزهر و نعستي. اتباات تتحلم بهادشي كاامل لي تابعك، و غاادي تفيق فالصبااح و اتبداا هادشي كاامل من اللول.

هاادشي كاامل منين جاا؟ جاا من دوك الافكار لي عندك ديال "يلا فشلت الناس ايضحكوا عليا"، "ماعمرني ماغادي نطفروا"، "غاادي توقع شي حااجة خاايبة، أنا مأكد".

هااد الأفكاار السلبية اتأثر على المشااعر دياالك و ماغاديش تكون مرتااح فحيااتك. و مزاالة حااجة خراا: يلا ماكنتيش مرتااح و عااارف مع رااسك بلي واخاا تمشي تقراا و توجد، اتسقط ... شنو ادير ديك الساعة؟ اتعطي لي فجهدك؟

بطبيعة الحاال لاا: ماغااديش توجد مزياان، ماغااديش تعطي جهدك بااش تا فاللخر يلا مانجحتيش اتقول مع رااسك "وا حيت اناا ماقريتش و ماخدمتش مزياان". اتدير هكاا بااش تحاافظ على عزة النفس دياالك و بااش مع رااسك تلقى شي سبة بااش ماتحسش بتأنيب الضمير. و المشكل هاادشي ايبقى تيتعااود ديما: فوق مايكون عندك شي حااجة بحال هكاا: فالقرااية ولا الخدمة، اتكبر الموضوع بزااف و اتقول مع رااسك راه ماغااديش نجح (فكرة سيئة) و اتخلع رااسك برااسك. (شعور سيء) و ماغااديش تخدم و ماغاديش تزيد لقدام و ادير بنااقص (سلوك سيء)

هاادشي لي وصفت فهاد السيناريو تيبين كيفااش الأفكاار ديالنا تتأثر على المشااعر ديالنا، بااش تنحسوا، و هاد المشااعر ديالناا اتخلينا نتصرفوا بواحد الطريقة. كنتي فرحاان غاادي تزعم و تيق فرااسك و دير اي حااجة. ويلاا كنتي خاايف، غاادي ترجع اللور و مادير واالو.

هاادشي كان هو قصة حيااتي. ديماا تنخلي عقلي يقنعني بلي غاادي نفشل، تنخااف قبل مانجرب، و تنرجع اللور و ماتندير واالو. هاادشي كاان قبل مانقراا على علم النفس بصفة عاامة، و العلااج السلوكي المعرفي بصفة خااصة. هااد العلاج السلوكي المعرفي هو طريقة بااش تفهم الافكاار ديالك و تبدلهاا يلاا كاانت خاايبة، و هكاا غاادي تبدل حتى المشااعر ديالك، و السلوكات دياالك. و فااش تتبدل هاد الجوج، رااه حيااتك كااملة تتبدل.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇