مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة   

🔵نتحدااو الأفكاار دياالناا

من بعد ماغاادي تلقى شي فكرة سلبية لي عندك، تيجي الوقت بااش نتخلصوا منهاا. الطريقة لي غاادي نقول داباا مبسطة بزااف، و من بعد غاادي نتعمقوا فيها كتر.

🟢أولاا، فااش تلقى ديك الفكرة السلبية، سول رااسك وااش هااد الفكرة بصح، وااش منطقية، وااش ممكن أنهاا توقع.

أناا الفكرة لي عندي دياال "ممكن نخرج نجري و نلقى رااسي نقصت فالنيڤو" ممكنة. ممكن أنه توقع. شوييا و غاادي نعرف، و غاادي تعرفوا نتوماا فالفصل الثااني فهاد لكتااب. و لكن أغلبية الأفكاار ديالنا، تتلقااها بعيدة بزاااف.

مثلاا، بناادم تيخااف يسقط فشي إمتحاان حيت لاا سقط غاادي يضحكوا عليه النااس، و غاادي يتعقد فحيااتو، و ماغااديش يخدم، و غاادي يتقل على واليديه، و غاادي يكون عاالة عليهوم و على المجتمع، و ماغااديش يتزوج ولا يحقق أي هدف فحيااتو و ايطيح فإكتئااب و حيااتو أتدمر. ماخااصكش تكون عاالم نفس ولا شي خبير بااش تعرف أن هاادشي لي كتبت هو فيلم هندي، و ماغااديش يوقع. و يمكن هاادشي لي كتبت انا قريتيه و نتا تاضحك ولا قلتي هاادشي بااين مباالغ فيه بزااف، و لكن الأفكاار دياالي أناا منطقية، ممكن توقع.

و لكن فالغالب أفكاارك تا هي مااشي منطقية و مباالغ فييها. تتباان منطقية ليينا حناا حيت تتقيسناا و ماتنقدوش نعترفوا بلي رااه حناا هي تنخربقواا، زاائد حتى من النااحية العلمية فااش تنكونوا مستريسيين ولا فرحانين، مهم فااش تيكون الإنساان فوااحد الحاالة ديال المشااعر قوية، وااحد لبلااصة فالمخ سميتها "اللوزة الدمااغية" بلونغلي 'Amygdala' تتشعل، و فااش تتشعل هي، الجاانب المسؤول على المنطق و التفكير النقدي لي سميتو "قشرة الفص الجبهي الأمامي" بلونغلي 'Prefrontal cortex' تاتطفا.

باختصاار، فااش تتكون متحمس بزااف و المشااعر تيطلعواا فالنيڤو لسطاااج الوحش، اللوجيك تيخرج ولا تيبكي فالزااوية. هاادشي لي تيوقع ليينا، و لكن لحسن الحظ كااين بزااف ديال الأمور لي يمكن نديرو بااش نتحكموا فهااد العملية.

مهم، فااش تشد دوك الأفكاار دياالك، سول رااسك وااش منطقيين. وااش بصح، وااش ممكن يتحققوا. يلا نتاا ماقديتيش تجااوب، شوف شي صااحبك. قولييه شنو فرااسك، و هو غاادي يجااوبك.

و فااش تلقى شي فكرة لي مااشي منطقية، حيدهاا علييك و كتب بلااصتها شي فكرة لي منطقية كتر. مثلاا، أناا يلا مااجبتش مزياان فهاد الإمتحاان، غاادي تطيح لييا النقطة و لكن ممكن نعوض فإمتحاان ثااني ولا فماادة أخرى. ممكن نطلب الأستااذ نعااود الإمتحاان. ممكن نقطة المشااركة تزيد لييا المعدل. مهم الحل ديماا كااين. نتاا خااصك هي تشد الأفكاارك ديالك، ماتخليهومش يبقااو يجريو فدمااغك، شدهوم و كتبهوم فشي ورقة. و من بعد شووف وااش دااكشي لوجيك ولا لا. و بدلهاا بشي فكرة زويينة علييها و إيجاابية. و هاادي هي لحااجة لولة لي ممكن تدير.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇